فـــ ض ـفـــــ ض ـفــــه ..

مرحبااا .. بصراحه الموضوع حبيت تشاااركوني فيه…
بان كل وحده تدخل وتفضفض
او تنصح البنات هنااا ..
او تشآركنا براي .. او حكمه ..
او موقف تعلمت منه ..
يعني موضوع بتاع كلووو
واتمنى من كل قلبي يعجبكم

بصراحه الشي اللي دفعني لهالموضوع
اني من يوم ماحملت وانا حساسه جدا
ونفسيتي ابد موتمام…
ودايما اعصب على اتفه شي وابكي ❗

فعشان كذا محتاجه اسولف
وافضفض
لان بصراحه بهالحمل طرأت على بالي افكار غريبه
صرت اتندم على اشياء سويتها وانا مقتنعه
الحين اقول ليت الزمن يرجع
وصار ياثر علي اشياء كثيره وتاثيرها كبير
ماتصدقون لو قلتلم اني صرت اتحسف على اشياء ليش ماسويتها بزواجي ؟؟؟…. وش الطاري الحين مدري!
اقول ليتني انزفيت قدام الحريم 😆 … لان زوجي رفض تكون زفه قدام الحضور لو لي لحالي
وانا كنت مقتنعه بس الحين متحسفه …
واشياء كثير ايام الزواج زوجي رافضها والحين ضايق صدري ليش ماسويتها

ويوم شفت تعب الحمل ومسؤولية الزواج تندمت اني تزوجت وانا ادرس
” من حملت والحاله بدات عندي” “

مدري احس افكاري غلط شي راح وخلاص المفروض ماارجع له بس ماارتاح الا افكر
بصراحه عندي اشياء كثير ودي افضفض عنها بس ماادري اذا بتتفاعلون معاي
وتفضفضون انتو كمان