فــســاتــيــــن …

مثل ما تشوفون بنات الصيف جا وجت الزواجات والمناسبات معاه وزي ما تعرفون احنا البنات والحريم عموما نلبس الفستان لبسة لبستين وبعدين يكون مصيره الدولاب

فقلت اعرض كم فستان عندنا يمكن تعجب احد ويستفيد منهم

بس قبل كل شي حابة اقول انو الفساتين لبنات الرياض بس واعتذر لبنات باقي المناطق لانو افضل البنت تشوف القطعة قبل ما تاخذها

نبدا بسم الله

1_ فستان ملون مره حلو من فوق كله شك وفيه بروش بالنص تحت الصدر واللي تحت طبقات اول طبقة شيفون مشجر والوان الورد اللي فيه مره حلوة فيه فتحات من تبين الطبقات اللي تحته وهي دانتيل لونه اخضر تفاحي وتحته بطانة لونها اصفر على ذهبي طالعين بطريقة مرة حلوة ويبينون لما تمشين

هذي صورة البروش من قريب

وهذي صورة توضح طبقات الفستان بس الدانتيل مو واضح بالصورة وبصراحة كل الصورة ظالمة القستان بقوووة

الفستان مره فخم ويناسب البيضاء والسمراء بنفس الوقت لانه ملون

المقاس : 46 اكس لارج حسب ما اتوقع وفيه مجال يتضوق لكن ما فيه مجال يكون اوسع

السعر : الشراء 1600 البيع 700

انلبس مرتين

2_ فستان احمر مره فخم ولونه عالطبيعة احلى بكثير ممسوك على جنب بطريقة مره حلوة وناعمة وعليه بروش فضي ممكن ينشال وتحطين مكانه اي بروش ثاني لو حابة

من قدام اقصر من ورا وباللبس احلى بكثير ومره يحلي الجسم

المقاس : 46

السعر : الشراء 650 البيع 350

انلبس مرة وحدة بس

تم البيع

3_ فستان فوشي مع فضي قماشه ستريتش موديله غريب شوي من فوق قصته عادية وفوقها طبقة ثانية تنربط عالرقبة من ورا وفيه درابيه من عند الخصر من جهة وحدة مسوي حركة حلوة بالفستان

المقاس : 4 حسب علمي اكس لارج واتوقع ممكن يلبس اكبر شوي لانه ستريتش وطبعا ممكن يلبس اصغر لانو فيه مجال يتضوق

السعر : الشراء 500 البيع 250

انلبس مرتين

4_ فستان بيج قصير من فيمي ناين ماسك من الخصر وهو موديله ناعم يعني اللي حابه تضيف له اي شي ممكن تضيف اختي لبست معاه حزام ذهبي عالخصر وطلع مره انيق وغريب ويصلح لزواج او عزيمة بنفس الوقت لانك تقدرين تتحكمين بفخامته من ناحية الاكسسوريز

المقاس : 38 _ M ممكن يتضوق لكن ما في مجال يلبس اكبر

السعر : الشراء 400 البيع 250

انلبس مرة وحدة بس لمدة ساعتين

5_ فستان فوشي قماشه شيفون مشجر وتحته بطانه بينك من نفس الفستان من ديرهي
قصير شوي بس حسب طول اللي لابسته اذا قصيره بيوصل نص الساق واذا طويلة بيوصل تحت الركبة تقريبا

الصورة مررره ظالمته في الملبس مرة يجنن احلى بكثير

المقاس : M

السعر : جا لاختي هدية ولا تعرف كم سعره ومعروف انو فساتين ديرهي مو اقل من 500 تبي فيه 300

انلبس مرة وحدة بس

6_ فستان لونه تركواز مع فوشي غامق وبنفسجي فيه حركة بالجلد الاحمر عالصدر ومن تحت جاي واسع وفيه حركة حلوة قصير شوي يصلح للبنوتات اكثر

برضو جا لاختي هدية من انوتا الكويت

المقاس : 16 بمقاسات الاطفال لكن فيه مجال يلبس السايز النسائي من S الى M

السعر : ما نعرف كم سعره بس اختي تبغى فيه 150

جديد ما انلبس ولا مرة

7 _ فستان تل لونه اوف وايت قصير مره نعوووم فيه بروش وردة تحت الصدر ونازل منها شرايط دانتيل وستان ولولو مره انيق وناعم بنفس الوقت

المقاس : S وممكن يلبس اصغر وممكن يلبس اكبر كمان لانو قماشه استريتش

السعر : الشراء 400 البيع 200

انلبس مرة وحدة بس

8_ فستان اسود مره ناعم بس فيه حركة بسيطة وحلوة من تحت وفيه بروش صغير على شكل فراشة عند فتحة الصدر طبعا في مجال ينشال او يتبدل باي بروش ثاني انتي حابته

معليش الفستان مو مكوي لانو صاحبته صورته وهي مستعجلة وكان له فترة بالدولاب لانو ما قد انلبس

المقاس : مكتوب عليه 46 لكن جاي ضيق على صاحبته وهي هذا مقاسها فاتوقع اللي مقاسها اصغر من كذا وبتشتريه بيطلع مره حلو عليها وموديله من النوع اللي يحلي الجسم ويبينه لانه ناعم

السعر : الشراء 200 البيع 100

9_ قطعة تل شفافه مشغولة بترتر صغير مره وتنربط من عند الصدر مره حلوة فوق توب ابيض او اللي ما تحب تلبس عاري ممكن تلبسها مع اي فستان يناسبها بتطلع مره انيقة وتضيف فخامة للفستان

صورة للشغل من قريب

المقاس : 4 اتوقع اكس لارج وممكن تلبس اصغر او اكبر شوي

السعر : الشراء 140 البيع 100

جديدة بالتاق

طبعا اي وحدة بتشتري قطعة بتجيها مغسولة ومكوية بالبخار ومغلفة

والله يسعدكم يا بنات اسعار الفساتين كلها منزلينها للنص لانو ما ودي انحرج وزي منتو شايفين القطع كلها مو لي عشان كذا الاسعار ثابته الا اللي بتاخذ اكثر من فستان لها خصم خاص طبعا

واي استفسار يالغاليات انا حاضرة ع الخاص والعام

والطلب ع الخاص او العام اللي يريحكم

بليز بنات لا يراسلني الا الجادات اللي رايقة وحابة تتسلى وتوسع صدرها النت مليان
ماله داعي تضيع وقتي ووقتها بشي ممكن يرجع عليها بدعوة تضرها

والله يجزاها الجنة اللي بترفع الموضوع بدعوة حلوة او كلمة طيبة وغير كذا انا مو محتاجتله