عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
راح انزل لكم اصناف فطورنا وان شالله بيعجبكم
الشوربه البيضاء او شوربة الذره
نصف دجاجه مسلوقه ومقطع اللحم ومنزوع الجلد
بصل محموس
حليب المراعي طويل الاجل
شوفان
ذره
فطر مقطع شرايح
ماء
ملح
بهار
فلفل اسود
الطريقه
نضع البصل والشوفان والحليب في الخلاط
مع اضافة التوابل
بعد خلطها جميعآ نقوم بوضعها في اناء الطبخ واضافة الماء
الساخن مع التحريك المستمر وانضيف الذره والفطر والدجاج
تكون بها الشكل
طبعآ الشوفان تحطينها على حسب الرغبه بعض يحب الشوربه ثقيله
والبعض خفيفه ..
الطبق الرئيسي
هو شيش طاووق
قطع فلفل رومي
قطع طاطم
قطع بصل
صدور دجاج بدون عظم تقطع مربعات
وتنقع في تتبيله لمده لاتقل عن اربع ساعات
التتبيله هي <زبادي +بصل +6فصوص ثوم +نصف بياله زيت+
ملعقة كتشب +وشوي صلصة صويا +صفار الزعفران
تضرب الخلطه في الخلاط ووتنقع فيها التتبيله
التتبيله تصلح على الدجاج واللحم والمفطح <
طبعآ ناخذ اعواد الشوي ونبدا نحط بالترتيب ورا بعض
الى ان تنتهي ونصفها في صينيه وندخلها الفرن
راح تطلع بهذا الشكل
الطبق الثالث
شاورما من اختراعي خخخخخخ مثل التتبيله السابقه
واتحدى اي وحده تسويها ولاتعجبهااااا
طبعآ انا العجن ما اعتمد على المقادير اقيس بالنظر
العجين
طحين + نصف فنجال سكر +ملعقة خميره كبيره +
زيت +رشة ملح +ماء دافي للعجن
اعجني العجينه لين تصير طريه بيدك ولفيها وخليها تخمر
مدة ساعه
بعدين افردي العجين وقطعيه دوائر قد الكف
وحطيها على الصااااج <(بدوون ماتدهنين الصاااج)
طبعآ ما تاخذ وقت على الصاج لين تستوي من الجهتين
وحطيها في حاااافظه
وهكذا لين تخلصين الخبز
طبعا تدهن الخبزه قبل الحشو مباااااشره
بزبادي مخلوط مع ربع ثومه وربع ماجي
اما الحشوه الدخليه
صدور دجاج مقطع اصابع ومنقع في تتبيله اللي فوق نفسها
وتدخلين الدجاج بعد ماتطلعينه من التتبيله وتحطينه في صينيه في الفرن
وتقطعين بصل طووويل محموس لين يشقر لونه
يحط بقدرعلى جهه ولما يستوي الدجاج
تحطينه في الجهه المقابله للبصل في الوسط<وسط القدر تحطين نص فنجال زيت وحطي وسطه بحركه سريعه
فحمه مشتعله وسكريه حتى يتبخر الفحم
نكون مجهزين بطاطس طويل مقلي
طماطم طويل وفلفل رومي طويل
طبعآ نحشي الساندتش بالترتيب من السابق بعد
دهنه بخليط الزبادي
وهذا الشكل النهائي
الطبق الرابع
تست منزوعة الحواف ومفروووود
ناخذ كبه ناضجه <انا اشتريها من محل للفطاير
المهم
ناخذ التست ونغمسها في حليب ونحط الكبه بوسطها
ونكورها ونحطها على طول في بقسماط
وهكذا الى تنتهي ثم تقلي في زيت
بعدان تنضج وقبل التقديم تفتح الكبه على شكل +
ويوضع جبن سائل وتحشى بخس على هذا الشكل
اما العصير
منجى في قاع الكاس
ثم يسكب برفق جوافه
ثم فراوله 
اتمنى يكون اعجبكم
