عالم البنات النسائي كل ما يخص المرأة العربية من ازياء وجمال والحياة الزوجية والمطبخ
ان شاء الله انكم طيبين
حبيت اوريكم فطوري البارح انا وزوجي
كان منوع ولذيذ
هذا خبز بالثووم 
طريقته : قطعت صامولي حلقات ورصيته في الصينيه
بعدين اخذت قدر وحطيت زبده وحمرت ثوم مدقوق فيه ثم حطيت ملعقة كبيره جبنه سايله وملعقه كبيره مايونيز ثم طفيت النار وحطيت كزبره مفرومه وحركت وحطيتها على الصامولي وحطيت عالوجه جبنه موزريلا
وكانت لذيذه مره
وهذا كورن دوج << الي يحبون النقانق زيها بيدمنونه ^-^
طريقته: تحطين في صينيه نص كوب دقيق ونص كوب نشا وبكنج بودر وشوي سكر وملح تخلطينه بعدين تحطين عليه نص بيالة حليب سايل وبيضه وتخلطينها كلها لين يصير عندك خليط ثقيل نوعا ما
تاخذين النقانق وتدخلين فيها اعواد الشيش طاووق وتغمسينها في الخليط من قدام وورى
ثم اقليها في زيت حار
ولك الخيار في الصوص ممكن تحطين في صحن مايونيز وكتشب زيي انا
او تحطين على النقانق نفسها خطوط جبنه سايله وخطوط كتشب
يعني الي يريحك
المهم لاتفوتونها والله لذيذ مره 
وهذا بااااااان كيك خطيييييير وطريقته هذي اعتمدتها عندي 
الطريقه: تخلطين في الخلاط كوب حليب سائل وملعقتين زيت او زبده وملعقتين سكر وبيضه وفانيلا وشوي ملح وملعقه بكنج بودر
اخلطيها ثم اسكبيها على كوب دقيق منخول واخلطيه كويس وخليه نص ساعه
بعدها سخني الصاج او قلايه تيفال
وخذي ملعقة غرف الشوربه وحطي في الوسط ولاتحركين ولاشي اذا شفتي الفقاعات اقلبيها عالوجه الثاني
واذا صرتي بتحطين الثانيه امسحي الصاج او التيفال بمنشفه وحطي كمان زيت او زبده وحطي البان
عشان يطلع لك التحمييييييييييير كويس وكله سواء
انتبهوا لهالنقطه
واذا خلصتي لك الخيار في الحلا الي بتحطينه
لانه البان كيك مايطلع لذيذ وادمان الا اذا حطيتي شي حالي عليه
انا نوعت
حطيت لبنه وفوقها خطوط عسل وشي حطيت عليه جبنه وفوقها عسل وشي حطيت عليه سمن وعسل
وشي حطيت عليه حليب تستله
لك الخياااااار
المهم سووا هالطريقه والله رووووووووووووووووعه مره
وهذا الفطور في طريقه الى سفرة الطعام
بالعافيه 
