فضفضه آخر الليل

السلام عليكم ورحمه الله وبركاته
بنات اناودي اقول لكم معاناتي مع نفسي
ودي احد يواسيني انا انسانه ربي خلقني بان اكون مبغضه من اهلي وكل الي حولي
كل من يجلس معي اول جلسه يحبني بعدين يبدئ يتهرب مني شوي شوي الين يبتعد
صداقاتي ماتطووول مع اني احبهم من كل قلبي وبعضهم الين الحين في الذاكره مغروسين واتمنى لقاهم
وعلى قولة القايل المحبوب في راحه والمكروه ارمه في البراحه <<<هذا انا مألفته خخخخخ
بس والله شي يحز في الخاطر ناس تسب وتشتم ومع ذلك الكل يحبه ويدورونه دواره
اما الطيب المسالم مااحد يبغاه
ياااحسرتي على عمري كيف بعيش واللكل في هالدنيا كارهني حتى اهلي ودهم بالفكه مني
والله ابوي مره سوى معي تصرف حز في خاطري مررره وجلست اصيح على هالموقف يمكن اسبوع كل ماتذكرته اصيح
تخيلوا ان اختي طلبت من ابوي يصلح ساعتها وهي دلوعته حبيبته
وقالها ان شاء الله اصلحها لك بعدين قالي تبيني اصلح ساعتك وانا والله ماقد قلت له ساعتي خربانه
وقلت لامايحتاج ساعتي هذي زينه والثانيه ماابغاها
قالي إلا جيبيها قلت طيب ان شاء الله علشان خاطره جبتها والا انا ماابيها
ويوم جبتها وجمع بين ساعتي وساعه اختي وقال الحين اي وحده حقتك<<< يقصدني
قلت هذي واشرت على حقتي قال ايه خلاص بخلي يحط البطاريه الزينه والغاليه في حقه حبوبتي <<يقصد اختي
انا قلت يمكن يستهبل علي والا شي ماكنت مصدقه الا يوم جابها الا حقتي اشتغلت يومين ولا عاد اشتغلت وحقت اختي لها الحين ثلاث سنوات اواكثر ماخربت بطاريتها
طيب ماتبي تصلحها ليه تطلب مني اجيبها مع اني ماطلبت منك ذا الشي
وش رايكم في تصرف ابوي معي والله اني ميته قهر وهالموضوع له تقريبا اربع سنوات وعجزت لا انساه
ودي انسى كل شي يجرح لكن ماباليد حيله
المأسي كثيره هذي ماساه من عشرات الماسي الي مرت على حياتي وحطمت كياني الانثوي الرقيق
ومن كثر الهم صرت مهبوله في المدرسه
ضحكي كثير وهبله الكل يقول انتي مجنونه مادروا ان بداخلي هموووم افرغها بالضحك والهبال
اللهم فرج هم المهمومين ونفس كرب المكروبين
اللهم آآآآآآآآآآآآآآآآآآآآآآآآآآآآمين
اللهم احببني واحبب خلقك فيني وارضى عني واغفر لي وتب علي انك انت التواب الرحيم
يالله يابنات فضفضوا الي بداخلكم لاتصيرون مثلي مكبوته
الله يفرج همكم وهمووووووووووووووووم المسلمين
آآآآآآآآآآآآآآآآآآآآآآآآآآآآىمين يارب العالمين