فضفضة بآخر الليل

السلام عليكم
انا حابه افضفض لأني مخنوقة كتير، سويت تلقيح صناعي ب20/11/2010بالاردن وماصار معي حمل كنت اخد دوفاستون بعد التلقيح وقبل موعد الدورة نزل معي افرازات بنبية واستمر لبعد موعدها بأربع ايام بعدها نزلت عادي، غيرت الدكتورة لأني ما ارتحتلها المهم رحت على دكتور وحكالي بنعيد التلقيح قبل مانسوي طفل انابيب ،بس لأنو نسبة نجاح التلقيح 20%زيها زي نسبة الحمل بدون تدخل طبي ،حرام يجي زوجك من السعودية عشان نسبة ضئيلة فقررلي اخد كورس منشطات و حددلي موعد للسفر ،اخدت ابر مريونال 10 ابر ،المهم مع اول اربع ابر طلع تلت بويضات وحده حجمها كويس وتنتين صغار كتبلي على تلت ابر بعد ماخلصت الابر ارجعتلوا لقى البويضة الكبيرة رايحة ناشفة هو انصدم وعشان يتأكد اذا الاباضة عندي انتهت سويت تحليل دم والحمدلله انو لسى ماراح يوم الاباضة،اخدت كمان ابرتين مع بعض بنفس اليوم -قبل السفر بيوم-يوم السفر20/12 البويضتين الصغار كبروا الحمدولله وكتبلي على غسول وفوليك اسيد ودوفاستون ،الغسول اخدوا قبل الجماع بنص ساعة ➡ ، و23/12 بديت اخد الدوفاستون لمدة 15 يوم المفروض الدورة تيجي يوم الاتنين 3/1 اتاخرت واستمريت على الدوفاستون للخميس ، المهم ماحسيت بالآلام الدورة ، بس كنت احس يإرهاق ويصيبني قلق بالليل مكنت انام واذا نمت اضل نعسانه انام اكثر من12 ساعه وغير الاحساس بالغثيان وغيروااااااااااااااا وغيراتووووووووو كانت معظمها زي علامات الحمل بس من خوفي من الصدمة (اتامل يكون في حمل وبعدين اتشرف حضرتها كالعاده)اهملت شغل البيت وزوجي بهدف اني ما ارهق نفسي عشان اذا في حمل يثبت ، يوم الاحد اطلعت درج ونزلت يمكن خمس مرات صحيح كلهم عشرين درجة او اكتر شوي ، بالليل وانا نايمة حسيت بتقل في بطني واصحى على الثقل اللي كنت حاسة فيه كانت يد زوجي او ركبته على بطني مو متذكرة المهم زحتها ورجعت نمت، الاتنين صليت الفجر وقت الظهر لما مسحت كان في افرازات بيضة شفافه وفيها نقطة دم جامده احترت اصلي ولا لأ، حكيت دعاء الاستخارة ،صليت الظهر ووقت العصر نزل افرازات صفرة على بني ماصليت العصر حكيت خلص شرفت ،لحد صلاة المغرب ينزل افرازات بيضة ومعها نقطة او نقطتين دم بحجم راس الابرة حكيت دعاء الاستخاره مره تانية وفعلا صليت قضيت العصر وصليت المغرب،بعد صلاة العشاء شرالي زوجي تحليل الحمل دخلت الحمام،(الله يكرمكم) والاقي افرازات الشفافة بس معها نقطة دم ، ماسويت التحليل، ومن الضيق حطيت راسي ونمت من 8.30 وللحين 1.30 ينزل افرازات شفافة ثقيلة ومعها دم، ولأنو الدورة اتأخرت عن موعدها اسبوع انا خايفة يكون في حمل بدا ينزل (علامة اجهاض)،كتير تعبت من هالقصة كل شهر بتأمل وبحلم وبعدين بصدمني الواقع نفسي افرح زوجي ،كتير بحب الاطفال وين مايشوف طفل يلاعب فيه،ازهقت من اسئلة الناس ،وكم واحد من اصحاب زوجي تزوجوا بعدنا بسنة واشي بسنة ونص وماشاء الله عندهم اطفال او على الطريق،مافي داعي انو يحكي بس انا فاهمه عليه من نظراتو ومن تعابير وجه كل ماشاف طفل،صرت اكره اشوف حدا مابدي حدا يزورني ولا ازور اي نسان،حتى صرت اكره واعصب لما ماما او اي شخص يسأل صار معك اشي ؟؟ اجت الدورة؟؟ ونظرات الشفقة بكرها.والنصائح سوي واحكي واعملي اللي بلوم فيي والله حسسوني كأنو الشغلة بإيدي ، الله بدو يرزقني وانا بدلل مش راضية.:P لا اله الا الله
مفكرة ازوج زوجي وانسحب من حياتو ولما مرة حكيتلوا بحكيلي انا راضي بلي الله كتبوا راضي بنصيبي ،طيب رح يصبر ..كم سنة !!! بعدها خلص بزهق وبصير بدوا اولاد، نترك بعض واحنا شباب لسى قدامي وقدامو فرصة للانجاب ولا بعد كم سنة يكون فاتني القطار ، انا كمان بحب الاطفال كتير ،لما اكون بالسوق او بالمول او زيارة عند اي حدا وحتى لما رحت عمره واشوف ام بتضرب طفلها بحكيلها بالله عليكي لاتضربيه حرام. ماخليت شي ماسويته(صلاة،دعاء،بكاء،حجامه،تمريخ،اعشاب،منشطات،تل قيح صناعي،صيام ،عمره،رقية،قراءة سورة البقرة، استغفار).
سامحوني طولت عليكو وكلام مخربط والله بكتب من قهري وضيقي وانا عارفه (لاتشكيلي ببكيلك)كلنا حالنا واحد من ضيق وهم الله يفرج همي وهمكم،ويرزقنا بالحمل السليم المعافى عاجلا غير اجل،
رب لاتذرني فردا وانت خير الوارثين
رب هب لي من لدنك ذرية طيبة انك سميع الدعاء
“اللهم يا ارحم الراحمين ارزقني وارزق كل اخواتي المتاخرات بالحمل السليم بالقريب العاجل ياكريم “
اللهم صلي وسلم على سيدنا محمد وعلى اله وصحبة اجمعين.