فستان جدا راقي (سمول ميديم) للبيع بأقل من ربع سعره الأصلي

السلام عليكم والرحمه
مرحبا خواتي
اعرض عليكن فستان لونه بيج قطعته سميكه مب هدله ستايل فرنسي كلاسيك يعني شرات اللي انجوفهم بالأفلام الأجنبيه الجديمه بس بشكل جديد او مطور والفستان على شكل حرف A ضيج من فوق عند الصدر ويبدا يوسع كل مانزلنا تحت
التصميم : حنان الفيصل وساميه ..
القياس : سمول ميديم
الفستان ناعم بس ف نفس الوقت فيه وايد شغل والشغل اللي فيه عباره عن رسم يد دقيق لتايغر ومنثر عليه شوية ستراس (كريستالات) ومن عند الصدر فرو امدخل ف حلقه كبيره من كريستال رينمبو ونازل منها سلاسل لاصقه من الكريستال اللي لونه موف غامج والفستان فيه حمالات للي تبي بس هو ينلبس بدونها والفرو بعد ع الحواجب وتحت الخشم ^__^
ومن ورا الفستان امدخل فيه دانتيل مكموش من فوق ومع الحركه يبين اكثر
السعر الأصلي 6000
للبيع فقط ب 1100 شامل التوصيل لأي مكان
والفستان طبعا نظيف ماامبين عليه الإستعمال ووديته للاندري بلاك اند وايت بوظبي
وهذي مجموعة صور للفستان وإن شاءالله كان شرحي للفستان واضح

واللي راح تاخذ الثنين مع بعض براعيها إن شاءالله ف السعر
دعواتكن خواتي
الحمدلله