فساتين للبيع خاص لبنات بريده

بدخل بالموضوع على طول انا والله مالي بالبيع بالنت وحتى ماعمري بعت لي فساتين ابد
لكن بنت خالتي تزوجت وانا اعتبره مثل الاخت لي وتحمست لزواجه وتعرفون البحث عن الموديلات والاملابس والمصممين
والحمدلله وفقن الله

المهم فصلت فستان من تصميم المصممه المعروفه بالرياض بنت المحطب بس والله ماعرف اسمه
اللون اسود بابيض والموديل فكتوري ورب البيت صرت نجمه الحفل حتى خواته قالن غلبتينا بلبسك الفستان مره ذوق وراقي جدا جدا

طبعا اقرب مايكون شكله لهذا الموديل بس هو تنوره ضيقه وبعدين واسعه من عند الركبه وفيها ذيل من ورى
البلوزه قريبه من هذي بس حقتي احلا انا مفتوحه وطالع بدي دانتيل ماسك على الرقبه والاكمام ماسكات لحد الكوع والحزام جاي بالوسط
الصراحه ماحصلت الا الصوره هذي القريبه منه
والصراحه ودي ابيعه لانه جاي زواج قريب لي مره وصعبه اللبس نفس اللبس

هذا اول فستان

الفستان الثاني لاخت العروس
مصممته عند مشغل الزيزفون والظاهر بنات بريده يعرفن المشغل هو يصلح لعروس يعني لملكه او صباحيه عروس هو خطير مره مره فصلته حوالي 3000 ريال لونه ابيض وهو ضيق لحد الركبه وبعدين واسع والفستان مشكوك بفضي كله شغل يد وعليه تستيره على الاكمام خطيره مره ورايقه
الصراحه الكثير طلبوا منه انه يشرونه لكم هي فصلته مبلغ كثير ولابسته مره وحده ويبون باقل من 1000 علشان كذا تبي تبيعه بنص السعر والغرض من بيعه لانه اخوه يبي يتزوج فاصعبه تلبسه اكيد تبي فستان ثاني

الفستان الثالث

والفستان هذا لختي طبعا هو جاهز طبعا ماركه عالميه من تصميم زهير مراد الفستان ومعه شنطته

هو شوي عاري سوت له تستيره ورب البيت خلت الفستان شكل ثاني الصر احه يجنن ويصلح للي بالثانوي او بدايه الكليه ناعم مره وفيه شك خفيف يعني بناتي حيل لونه اسود وصدره مشكوك بوردي على لحمي سوت له تستيره نفس لون الشك

الفستان الرابع

والفستان هذا لخت العروس بعد موديله فكتوري بلوزته قريبه من البلوزه اللي عارضته فوق لونه لحمي
بعد يصلح للي بالثانوي او ببدايه الكليه الفستان مره كيوت وناعم الصراحه خطير
له تنوره اغمق من لون البلوزه والصراحه موديله خطير ه جايه منفوخه فامعطيته شكل غريب

والصراحه باذن الله واثقه مليون بالميه راح يعجبنكم لاني قلت لكم ماعمري بعت بس علشانه ذولي مره شياكه قلت خلين اعرضهم يستفيد غيري منهم

المهم انا ماعرضتهم بالنت لاني مابي احد ياخذ موديلاتهم
فاللي تبي ترسلن للخاص اعلمه وين المشغل اللي راح تكون الملابس عندهم تروح وتشوفهن وتاخذ اللي يعجبه
بس تراي ماحلل اي وحده تصور الموديلات وتاخذهن