فرقة فايف ستارز

السلام عليكم ورحمة الله وبركاته

(من باب شكر الناس حبيت اكتب هذا الموضوع )

قبل عدة شهور حجزنا فرقة فايف ستارز واتفقنا مع مدام بسمة على حضور حفلتنا ولله الحمد
وكانوا الاهل حضروا لهم قبل مانحجزها في حفلة وارتحوا لهم
بس قبل فترة كنت اتصفح المنتدى ولقيت مواضيع سب وشتم في مدام بسمة وفرقتها والله وحده هو الى يعلم بنوايا الناس
الصراحه خفنا وفكرنا في تغير الفرقة بس قررت اكلهم في الموضوع وكان ردها انه في الحفلة حيكون ردها على الكلام الى في النت
والصراحة حضرت مدام بسمة وفرقتها على الساعة 10 ونصف وهو وقت بدري زي ما اتفقنا معهم من اول وما قصرت غنت في الحفلة ورقصت الناس ورقصت مع مطربتها وكان معهم شباب غنوا في الحفل كمان وهم في الغرفة الخارجية وكان حفلنا ايقاعات من دون موسيقى
والله ماقصروا واثبتت لي ان مو كل مايكتب في النت من كلام يكون صدق بالكامل
وانا اكتب هذا الموضوع بعد فترة انقطاع عن المنتدى لا دعايه لها ولا اعلان عنهم ولا اضمن لاي احد يتفق على حفل معهم ان تكون حفلتهم حلوة معهم او سيئة ولكن من باب كتابة تجربتي معهم في حفلتنا فقط لا غير
و حبيت اكتب عنهم هذا الموضوع لانهم ماقصروا معنا في حفلتنا
وايضا من باب شكر الناس