عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير على المصتبحين 😉
مساء الخير على المتمسيين 😉
كيفكم يااحلى فراشات ياعائلتي الغالية يامنفسي بالحياة 
.. بهاذا المنتدى احس نفسي ببيتي وبهالقسم احس نفسي بغرفتي بين اخواتي
بنات انا تعبانة ولجئتلكم ارجوكم لاتتركوني 😈
بنات انا اليوم مرا متضايقة على نفسي وحزينة بنات ابغى اسير زوجة وأم والله هالحال قرفت منه ماعدت اتحمل انا بشر ماني حيط جاي على بالي اكون زوجة يكون عندي زوج حلالي ليا تعبت كل لما اطلع السوق اشوف انواع تهبل من اجمل قمصان النوم والملابس الي تجنن للعروسات اتحسر واقول متى بسير عروس ؟؟ متى ييجي اليوم الي البسهم فيه ؟؟؟ تدرون اني كنت لما اشوف لبس عرايسي يعجبني كنت اشتريه على امل اني حالبسه لزوجي 
والله الحياة = الزواج 😀 والي تقول غير كذا خليها مقتنعة بالي تبغاه بس بالنسبة لي الحياة الحلوة بين زوجي وابنائي ..
الزوجة الشاطرة هيه الي تصنع من حياتها الزوجية حياة رائعة ملونة بالرومانسية وبالجدية والي تقول الزواج نكد هاذا مو تعميم هذي حالة خاصة تخص صاحبة هالكلام والله الي يزيد عالقهر قهر بعض المتزوجات يقولون لنا بدري عالزواج هم ومسؤولية ليه مستعجلين ؟؟؟ اقلهم لايكثر اتركي زوجك يالمهمومة بس 
كلام كلام كلام كله كلام بكلام مااحد يحس فينا احنا بنات اناث لينا احتياجات نبغى نتمكيج لأزواجنا نتجمل
والله كل يوم يمر اقتنع انه الحياة = الزواج = السعادة ( صحيح انه توجد حلات مستثنية من هالقاعدة لكن هذا لايعني الاستغناء الكامل عن وجود شريك للمرأة يكمل دينها ويغنيها عن الحرام)
والله العزوبة فراقها عيد وربي ..
بداخلي كلام كتير ماحيكفي كتابته .. اشوف الايام تعدي والعمر يروح يوم ورى يوم يضيع من حياتي وانا مكاني سر اخاف من المستقبل اخاف تغزو التجاعيد وجهي ويضيع شبابي وانا انتظر … اتمنى اتزوج قبل ماتغزو التجاعيد وجهي وتطبع معالم قسوة الحياة اثارها على ملامحي واسير مايليق علي الدلع والا الرومانسية اكون كبرت وعفت نفسي وعفت هالحياة وماعاد عندي نفس لأي شي 
الروتين فيها اساس..
بنات انا بنت متفائلة بس مو لدرجة اكذب على نفسي !! انا كنت اقول وانا بالثانوي انه احلى عمر للزواج للبنت ببداية العشرينات تكون دلوعة ورومانسية ويليق عليها الدلع والحب وتمتع بشبابها بالحلال..وماكنت ادري اني حاوصل اواخرها وانا مكاني وانا انتظر 😆 🙄
تدرون بنات اني اعرف لي صديقات كانوا ليهم علاقات واتزوجوا كلهم وهم ماتعدوا ال 21 سنة! الله يوفقهم بحياتهم ويهنيهم بس بقول اني وربي يشهد عليا ماعمري عملت مثلهم والحمدلله ملتزمة بديني وباخلاقي وابعد عن اي شي يغضب ربي ولااعرف هالاساليب وارفضها تماما لأني ادور الحلال واطلب الحلال وانا الحين باواخر العشرينات وماتزوجت وانا مستقيمة باخلاقي ! وهم الي كانوا يتحادثون مع الشباب مكالمات حرام بحرام اتزوجن وصار عندهم عيال كمان! ماادري ليه كذا؟؟ استغفر الله العظيم بس .. ياربي ارحمني..
الله يستر علينا دنيا واخره ويزوجنا عاجلا غير اجل امين ياارحم الراحمين 
آسفة عالاطالة بنات بس اعذروني من حرتي ابغى افضفض لكم ..
انتظركم بنات 😛
