فراشة حياتي..حسبي الله عليك ونعم الوكيل في العشر المباركة

عزيزاتي
تعاملت كثير مع تاجرات محترمات وعند كلمتهم وموثوقات بعد والوحده منهم تحرجك بطيبها ورقي تعاملها..

ولكن الا ماتقابلك وحده تخليك تعيدين النظر في التاجرات اللي تتعاملين معهم لأول مره.. وطبعا فراشة حياتي من الخمه هذي..

السالفة اني طلبت منها تيور من تيورات توب تاتو اللي عارضتها في منتديات كثير قالت طبعا حولي المبلغ وارسله لك على طول والتوصيل ماياخذ الا يوم واحد..
وعشان مااحجز واعطلها حولت المبلغ لها بنفس اليوم واعطيتها خبر بمسج كان هذا يوم الاثنين يعني المفترض ان الاربعاء يكون عندي التيور..
اللي صار لما كلمتها قالت لا والله ضغط وزحمة السبت بيكون عندك..قلنا نصبر للسبت
جا السبت
الاحد
الاثنين
الثلاثاء
ماوصل شي..اسألها تقول معليش مضغوطين بس أنا ارسلته لك..
الأربعا وصل لكن التاجره مهملة طبعا ومو قد التعامل..اللي وصلني تيور لونه غير اللي طلبت ومقاسه يختلف لا ومونظيف بعد..
مامرت نصف ساعة الا وانا اتصل عليها واخبرها قالت كلميهم خليهم يرجعون ياخذونه..وهذا اللي حصل بعد ساعة من اتصالي..
الاخت نست الموضوع..اتصل عليها وين التيور الثاني قالت برسله وين تيوري الاول طبعا هو عند الشركة اللي ماقصروا كل يوم يدقون علي عشان الاميرة ماترد عليهم قال ايش ماترد على رجال.. كأنها مقطوعة من شجرة ولا عندها رجال يتفاهم معهم..ارسلت لي رقم واحد من معارفها واعطيته الشركه وهو بعد مارد عليهم..
قلت طيب حولي فلوسي علي قالت ماراح يوصلك ولا ريال قبل يوصلني تيوري..

بالله هذي انسانة عاقلة؟؟
لاترد على الشركة ولاتتفاهم زين وتقول هاتي تييوري..
لكني دعيت عليها والله انه يخسر عليها ويحرمها بركة مالها وعيالها
ولو كان التيور لي كان الموضوع اهون لكنه لقريبتي وطبعا رجعت لها المبلغ من عندي..
ورقم مندوب الشركة عندي للتأكيد..