فراشة جديدة وعندها اسئلة كثيرة

انا فراشة جديدة انضميت الكم وان شاءالله تقبلوني وان شاءالله استفاد من خبرتكم

والحمدلله اشتركت معكم لحتى اسالكم وتجاوبوني على اسئلتي يلي حيرتني كتير

انا صلي متزوجة تقريبا سنة ونصف وانا الان حامل بالشهر السابع بس بصراحة كتير تعبت من الحمل خاصة انو الوحام مازال معي الى الان وكل يوم الصبح تقريبا لازم استفرغ كتير نصحوني انو ما قوم من التخت بسرعة وانو اكل بسكوتة او كعكة بعدين قوم من التخت بس للاسف مافي شي فادني وما خليت شي ما استعملتو والحمدلله صابرة على هل الشي وهانت باذن الله يعني راح الكتير ما بقيان غير القليل.. حتى على كثرة الاستفراغ وزني ماعم يزيد بالمرة يعني شي بسيط 6 كيلو فقط زايدة خلال فترة الحمل والكل عم يقلي انو قليل مع انو عم اكل منيح وعم اخد حب فيتامين وعم اشرب حليب وكل شي ..

و شغلة تانية صارت معي خلال فترة الحمل وهي انو صار معي حكة قوية جدا في الفرج (منطقة المهبل وخارجها ) حتى احيانا ينزل منو دم استعملت كتير ادوية داخل وخارج المهبل للاسف ما فادتني واحيانا بلاحظ افرازات الها رائحة كريهة وكتاريرة مابعرف سببها

وفي شغلة كمان بحب اسال عنها انو خلال الجماع انا وزوجي لا افرز الافرازات يلي لازم افرزها وحاول زوجي انو يستعمل الكريم المخصص لهل الشغلة بس زادت معي الحكة مع الم شديد وحرقة .

كمان ناح صدري عم لاحظ تشققات كتير قوية كانو فروع شجرة لونها احمر مابعرف ليش..

اسئلتي كتيرة بس مافي حدا يجاوبني عليها خاصة اني بالغربة والدكتورة تبعي كل ما بقلها عن شغلة عم تصير معي بتقلي عادي وهدا من الحمل ومافيني اعطيكي شي لانك حامل وكل شي بيروح بس لتولدي ..

افيدوني من خلال خبرتكم جزاكم الله خيرا

ولا تواخذوني على كتير اسئلتي