عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
الى كل اخت وفراشه في هالمنتدى الراقي …….
احييكن بتحية اهل الجنه ….
السلام عليكم ورحمة الله وبركاته…
لن اطيل كلامي فخير الكلام ما قل ودل ….
المهم انا قبل كم يوم وانا اقراء الايملات اللي تجيني في صندوق الهوتيل ميل الا واني اقراء على حد شاف له شوفه في مطاعم كنتاكي صراصير في دجاج وعدم نظافه وخرابيط فكلمت اهل البيت الا ويقولون ترى هذا كذب وهذي شركات منافسه تحب تشوه صورة كنتاكي المهم انا قلت اكيد صح … نسيت الموضوع 
وبعد كم يوم اللي هو يوم الجمعه عزمني حبيب قلبي زوجي فقال اليوم بنروح عازمنك رحنا الا ويبركن قدام مطاعم كنتاكي طلبنا وبدائنا ناكل الا وشوف لكم هالشوفه …
تدرون شو شفت والله ماكذب عليكم شفت نفس الكلام اللي كتب لي صراصير كبار وصغار ومافي نظافه رغم انها تشرف عليها وزارة الصحه لكن اكيد ماحد يشوف عدل المهم
خلاص نفسي ماقدرت اتحمل كلمت زوجي وقمنا من المطعم ماقدرت اشوف اكثر من المنظر…
لذا احرصي يافراشتي من هالمطاعم وترى فراشاتنا ما قصرو كاتبين كل شي انواع الطبخات ماعليك الا تطبقي وتاكلي وانت امنه مطمانه من عمل يديك وترى الله شاهد على مااقول….
مانقول الا حسبنا الله ونعم الوكيل الله يخسرهم في اروحهم على مايسوون فينا …..
واخيراً لكن فائق تحياتي حبيت اكتب اللي شفته عشان مايعاقبني الله اني شفت وماتكلمت والساكت عن الحق شيطان اخرس وسلامتكم اتمنا ماحد منكن تتعرض للي تعرضت له …..
تحياتي 
