عالم البنات النسائي كل ما يخص المرأة العربية من ازياء وجمال والحياة الزوجية والمطبخ
فراخ رورو بالخلطه السريه مع الارز المصرى بالبسله ومكرونه بشاميل يممممممم
المكونات
فرخه متوسطه مقطعه
نصف كيلو ارز
كبايه صغيرة بسله
بصل مبشور
فلفل الوان
بهارات وملح وفلفل
جزر مبشور
حبهان وورق لورة وقرنفل
بطاطسايه مقطعه حلقات
ثوم
(مكرونه ودقيق وسمن ولبن وشوربه وجبنه موتزاريلا ولحمه مفرومه للمكرونه )
الطريقه
اولا نعمل الفراخ
نغسلها جيداااااا وندعكها بملح وخل لغايه اما تنظف تماما
نفرم البصل ونضعه داخل اناء وثوم
نفرم الفلفل الاصفر والاحمر ونضعه على البصل lمع صلصه الطماطم
نضع التوابل عليها وزيت الزيتون والملح والفلفل والخل ونقلب كويس جدا
نضع الفراخ وننقعها داخل التتبيله لمدة ساعتين داخل الثلاجه
نقطع بطاطسايه ونرسها فى اسفل الصنيه
نخرج الفراخ ونضعها فى صنيه ونضعها على البتوجاز من فوق اولا حتى تنضج تماما
ثم ندخلها الفرن تتحمر ونخرجها لاكن انا محمرتهاش اوى علشان الاولاد يعرفو ياكلوها ومتنشفش
ثانيا الارز
اولا نضع البصل مع السمن
ونضع عليه الصلصه بعد ما يتشوح قليلا
ثم نضع البسله ونتركها قليلا
ثم نضع الميا ونتركها تغلى ونضع الارز مع التوابل والبهارات
ثم نضع الجزر المبشور ونتركه ينضج قليلا
وهذا شكله بعد السواااا
المكرونه البشاميل
نسلق المكرونه ونعمل البشاميل ونعصج اللحمه ونضع نصف مقدار البشاميل على المكرونه ونقلب
تم نضع طبقه مكرونه وطبقه لحمه وعليها جبنه او زيتون او مشروم ثم نضع باقى المكرونه والبشاميل على الوجه ونضع صفار بيضه مع اللبن والبقسماط على الوجه وندخلها الفرن حتى تنضج
تقدم مع سلطه الكول سلوووووو
وبالهنا والشفا
