فتحت قلبي لكم .. ريحوني …

فراشـآإت بدخل في الموضوع على طول ، ويعلم الله مآفتحت قلبي لكم الا من الضيقـه ، ومآإلي بعد الله غيركم ..

مشكلتي يمكن مثل كل بنت بعمري ” الزواج ”

كل صديقـآإتي وقريبـآإتي اللي بعمري تزوجو كلهم ماشاء الله وربي يعلم اني ماادعيلهم الا بالسعاده والتوفيق الحمدلله ..

بس اللي متعبني تفكيري كذا مره ناس يتكلمون فيني بس مايتم شيء ، وربي نفسي كسروها وانا اقول خيره الحمدلله بس الصبر مل مني ..

الكل يجرحني بدون مايحس صديقاتي كل وحده تتكلم عن مغامراتها مع زوجها .. خالاتي بكلامهم .. اخواني صغار بس بسؤالهم يجرحوني .. واخرتها صديقة خالتي جاتها ولما شافتني قالتلي انتي الى متى بتعنسين .؟؟ مع ان عمري “20 ” يعني توي صغيره العمر قدامي ..

اختباراتي تبدا السبت وهالموضوع اخذ عقلي ماني قادره اذاكر طول وقتي تفكير وربي ماقدرت اتحكم بمشاعري .. احيان اقول يمكن لان امي متوفيه الله يرحمها وانا اكبر بنت ..

يعني لو عندي اخت كبيره على الاقل كان تمت اموري .! انا مؤمنه بقضاء ربي وادري ان الفرج جاي بس تعبت كثيييير ..

بكاء وبكيت لين ملت الدموع مني ، كتابه وكتبت لين الاقلام جفت ، الحمدلله صلاة الليل محافظه عليها والاستغفار بعد ..

نفسي اشغل نفسي بأي شي .. ادري انو الزواج مو نهاية العالم .. بس حاسه بنقص كبير بحياتي ابوي انشغل مع خالتي واخواني صغار نفسي الآقي اهتمام ..نفسي اتزوج واعيش حياة حلوه مع انسان يدور راحتي ويسعدني …

اللهم ارزقني وارزق جميع شباب وبنات المسلمين .. اللهم اني اسألك الصبر والجبر .. اجبر بخاطري وكل من قالت آميـن .. ياجبــــار

فتحت قلبي لكم .. اعتبروني اختكم .. بنتكم .. ادعولي .. ربي يسعدكم .. واعتذر عن طرح همومي لكم .. مالي بعد ربي غيركم …