فتة الحمص……. روعة جربوها

المقادير :-
2 علبة نخي ( بدون مية النخي )
2 علبة مية النخي
فص ثوم
خبز مقطع
4 علب روب
للتزيين :-
صنوبر
لحمة مفرومة
شوية بقدونس
سماق

الطريقة :-
تقطعين الخبز قطع متوسطة وتفردينها في صينية التقديم وتحطين مية النخي ليما يتشرب الخبز ( طبعا انا أعصر شوي ليمون داخل الميه بس مو أجباري )
بس مو تحطين كل الميه حطي شوي وشوفي تشرب ولا لأ ليما كل الخبز يتشرب يعني مو شرط علبتين

وبعدين تفردين حبات النخي فوق الخبز
بعدين تهرسين فص ثوم داخل اللبن وتحركيه لما يختلط مع بعض وتحطينه فوق النخي واخيرا تقلين اللحم المفروم وتحطين عليه شويه ملح وبهار أو مكعب ماجي وتحطينه فوق اللبن مع الصنوبر والسماق والبقدونس