عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم و رحمة الله و بركاته
كيفكم يا بنات و كل سنه و انتو طيبيييين و عيدكم مبارك
مممممممم اكيد فاكرين موضوعي في اللي كان بيحرق القران و اللي ما قرأتو تحصلو في المواضيع اللي انا نزلتها
عارفين ايش سار
من البدايه الراهب اللي في الكنيسه كان بيحرق القران لان المسلمين كانو حيبنو مركز اسلامي في نفس منطقة الكنيسه
و الراهب كان معارض و قرر يحرق القران <<< تنحرق يدو قبل ما يحرق القران
طبعا كل وسائل الاعلام سارت تعرض الموضوع و جابو المسلمين رئيس المركز الاسلامي في امريكا و في فلوريدا بشكل خاص
و الدفاع المدني منعه يحرق القران اوت دور يعني برات الكنيسه فقال مافي مشكلة حاجهز غرفه في الكنيسه و احرق القران جوتها
و سار هرج و مرج الين ما جلس رئيس المركز الاسلامي في فلوريدا الشيخ محمد <<< رجال فظيييع قبل يومين المركز الاسلامي نظم رحلة لملاهي بمناسبة العيد و جا مع امه اللي ماشيه بالعربيه
و ماشاءالله مع امه في كل مكان يشيلها و يحطها و يوديها و يجيبها صراحه اعجبني الرجال
المهم جلس مع الراهب و خرجو من اجتماعهم و الراهب يقول انو ما رح يحرق القران
و المركز الاسلامي حينبني
يعني اللي يبغوه المسلمين سار سبحان الله مدري كيف اقنعه الشيخ محمد
و فعلا اليوم اللي كان بيحرق القران الناس اتجمعت و مظاهرااات و بين معارض و مؤيد
و في بنوته منزلة موضوع انو انحرق القران و فيه فديو واحد جالس يحرق صفحات من القران عساها تنحرق يدو
بس ترى دا الرجال جابوه في الاخبار كان مع المؤيدين لحرق القران في المظاهرات
و زعل لان القس ما رح يحرق القران
و على طول وقفه الدفاااع المدني
عارفين يا بنات ايش سار بعدها
سبحااان الله سبحااان الله رب ضارة نافعه
كتير ناس سارو يسالو ايش مكتوب في القران ؟؟ ايش الاسلام ؟؟ كيف قدر الامام يغير رأي الراهب مع ان الرئيس المريكي بنفسو ما قدر
سبحان الله لناس اهتمت بالاسلام و سارت تقرأ فيه
و غير كدا مجموعة طلاب في جامعه امريكيه و بسبب اللي سار بحثت عن الاسلام و اعلنت اسلامها
سبحان الله و الله اكبر
بنات ربنا معانا و الحمد لله
