عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مساكم الله بالخير
كيفكم وش اخباركم عساكم طيبين
لكم وحشه مره من زمان عنكم ووه احسكم مغبرين
الصراحه عندي موضوع يؤرق مضجعي
مدري شلون ابدى فيه
بس بقولكم من البدايه ,, يمكن اطول عليكم بس انتم وسعو صدوركم علي
امممم القصه بدت من سنه تقريباً ، يمكن اكثرتعرفت على وحده حبوبه ولها قبول من كل الناس .. الكل يحبها بس والله مو اكثر مني اخذت مكان قلبي مايعلم فيه الا ربي وصارت اهم جزء بحياتي صارت اقرب شي لي وصرت اقرب شي لها مااقدر استغني عنها اغلى من روحي علي
هي طيبه وحبوبه وكل شي فيها احبه ويعجبني ,, بس عندي معها كم مشكله تعبت وانا احاول احلها ولا قدرت ,,
اول شي انها هي من النوع المزاجي يعني يجيها اوقات تحوم كبدها مني وانواع التحطيم فيني وانتي ممله ولاتعرفين تجيبين سواليف توسع الصدر وانتي وانتي ,,ـ يمكن انا تعودت اسمع هالكلام بس غصب اتحطم من هالحكي واصير مااسولف وبعد مايرجع مزاجها لحالته الطبيعيه يكون باقي شويات بخاطري وتقل سواليفي حتى اخباري مااصير اقولها .. انا من النوع يمكن اكون حساسه حبتين واتأثر بالكلام حتى لو من غير قصد او مزح ,, بس مااحب ازعل وحتى لو زعلت ماتطول زعلاتي كم ساعه وانا راضيه ,,
هذي اول مشكله يمكن ماتعوق معنا عادي يعني
اما ثاني مشكله هي من النوع اللي غيرتها زايده اوقات احسها مو غيره ماتعرف تعبر لا عن خوف ولا عن اهتمام الا بغيره ,, افهم هالشي والله بس اوقات تصير اشياء صعبه ودي ارضيها ودي تصير تتعلم كيف توجه غيرتها ومن الناس اللي تغار منهم والناس اللي ماتغار منهم ,, يعني مثلاً لو تدري انه بيوم جو عندي صديقاتي او رحت لوحده منهم انتفخت وزعلت وانتي ماتهتمين فيني وانتي لو اهمك ماتسوين شي يضايقني وانتي وانتي
وهي بعد موب عارفه ترضيني ولاهي عارفه تهتم فيني بالشكل اللي انا ابيه منها
انا ادري انه هي تحبني بقلبها ومن داخلها انا مررره اهمها بس ماعمري حسيت انه هذي الانسانه تهتم ,, يعني تعبت عادي رحت جيت عادي تبين لي دايم انه اخبارك مو مهمه ,, يعني جد جد اوقات احس نفسي عالهامش واوقات لا .. يعني اوقات كثير اجي بتكلم عن موضوع يكون مضايقني من اهل من اي شي ,, اوقات تسكتني ولا تقول قفلي الموضوع ,, يمكن يكون بذاك الوقت مالها خلق تسمعني عادي بس ماتجي تسأل وش كان فيك او وش مغيرك او او لا عادي خلاص
ـيمكن كلكم تشوفون الموضوع تافه ومايستاهل .. بس انا مابي اخسرها ولا ابي يجي يوم وامل منها ومن اسلوبها ابي اريحها وارضيها وهي بعد تريحني وترضيني
ولكم كل الحب والشكر
