غيروا عشان هم يتغيروا .. [ نصايح من تجربتي ]

حبيت اكتب بعض النصايح من تجربتي .. كلها كثير نقراها لكن .. هل نطبقها ؟

انا قلت بحاول اني اطبقها قد ما اقدر واشوف النتيجه ..

أول شي اذا عصب [ اسكت ] و ما ارد عليه .. واذا ارد عليه رديت بادب وكلمه وحده و بصوت هااااادي ونااعم ..

اغرقه بالكلام الحلو والمدح والتشجيع .. وبالحركات واللمس والنظرات .. واهم شي صووتي واسلوبي غيرته .. بس مو بتصنع .. انووثه بكل شي وعفويه ..

اذا طلب مني شي على امرك ..او من عيوني ..
اذا قال شي ما عجبني .. احاول اغير نظرته لهالشي بس باسلووب الاقناع .. وحيل اعجبني موضوع الاقناع بالايحاء .. وجربته معاه وجاب نتييييجه حلووه 🙁

طبعا كل رجال يختلف عن الثاني .. بس احس يتفقون بانهم ما يحبون الوحده ترد عليهم ..

والله يا بنات يوم غيرت اسلوبي مع زوجي ، حسيت بسعاااده ..

حاولوا تتغيرون .. ازوجكم يصيرون خواتم باصابعكم..

شرايكم بالنظره مع الابتسامه ..؟

والله تجيب نتيجه رائعه ..

حلو لما يكون زوجك راضي عنك .. تحسين براحه ..

صدقوني ما لنا غير ازواجنآ .. وماحد يبقى لنا غيرهم ..

ما في بينا شي اسمه كرامه .. اذا غلطتي اعتذري .. واذا هو غلط عاتبيه ..

ولا تنسيين الدمووع 😆 hy:.. ترى هي السر ,,

وجمله تلين الرجال لما تعاتبيه .. [ انا لاني احبك .. زعلت منك وهذا من زود اهتمامي فيك …]

ضميه بين فتره والثانيه .. حسسيه بحنانك ولا تبخلين عليه بشي ..يمكن ما راح يعطيك وجه بعض الاحيان او يسوي انه مو مهتم .. بس صدقيييني بداخله راح يفرح ويزيد حبه لك ..
و صدقيني هو راح يعطيك اكثر لو شاف تغيير منك .. هو راح يفكر بالتغيير بعد ..

ارسلي له مسج حب وغرام بين فتره والثانيه ..

كلمة [ الله لا يحرمني منك يا حياتي أو ربي يخليك لي] لها مفعول رائع ..

دايم اشكريه على كل شي .. حتى لو سوآ شي لأهله .. قولي له يعطيك العافيه ..

اهله .. جينا لأهله .. اهم شي عند الرجال اهله .. احترميهم وقدريهم . حتى لو هم ما عاملوك المعامله الزينه .. انتي عامليهم غير .. عشان زوجك وعشانك انتي .. لان اذا زوجك كان راضي عنك .. راح تكون حياتك سعييده وراحه دائمه .. يكفي ان ربي بيكون راضي عنك ..

لا تنامووون وانتم متزاعليين .. حاولي قد ما تقدريين .. مهمه هالنقطه ..

ولا تبتعدين عنه بالفراش ..

والله انا زوجي صار ينام بغرفه ثانيه .. لان عنده دوام و بنتي الرضيعه تسهر .. فاضطر ينام برآ الغرفه ..

تخيلو كل يوم احاول انام جنبه بالغرفه الثانيه لو عشر دقايق .. لأن انا بنتي تنام شوي وتصحى .. فاغتنم الفرصه .. عشان ما يتعود على بعدي ..

اللبس هالله هالله باللبس والعطووور ..

عطري كل شي .. نفسك وبيتك والفراش ..

حاولي تشاركينه بكل شي وهو نفس الشي ..

امممم مثلا بالليل وانتم جالسين .. قولي حبيبي شرايك نقوم نسوي عشاء مع بعض .. او انا تعبانه شوي ممكن حبيبي تجهز لنا عشاء خفيف .. مشتهيه اكل من يدينك .. 😎

وانتم تتفرجون ع التي في .. خليك قريبه منه يدك بيديه وراسك على كتفه .. دلعيه بهاللحظه .. وتدلعي عليه .. احضنيه او خليه يحضنك .. عوديه على كذا ..

خلي الاحترام بينكم بكل شي .. مثلا اذا طلبتي منه شي .. [ ممكن حبببي .. لو سمحت ياقلبي .. اذا ماعليك امر …] وهو عوديه نفس الشي ..

هذا اللي يحضرني الحين .. اغلب الاشياء المكتوبه قريناها كثير
بس حبيت اذكر فأن الذكرى تنفع المؤمنين ..

وكل وحده حسب زوجها .. بس غيروا عشان هم يتغيروا
واللي عندها شي زياده حآبه تفيد فيه .. تكتبه الله لا يهينها 👿