عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
انا جديده بالموقع حكتني عليه صديقه لي وحبيت اشارك فيه ولاكني من متابعيه
ماعرف والله من فين ابدا لاكن بقول الي بخاطري لان مافيه احد يسمع لي غيركم
لدي اخت مطلقه واحس انها تغار مني بشكل ملحوظ
جاني خاطب واهله زارونا وتكلمت امي معي وتقلي وش رايك قلت لها اني استخرت الله وارتحت
وابي اتزوجه ان شالله
قامت اختي عصبت وقالت انتي اصلن تعرفين وش الاستخاره انا هنا انصدمت
قلت لها كيف ماعرف الاستخاره قالت انتي اصلن صلاتك ودينك كله نفاااق ؟؟؟؟؟؟؟؟
والله حسيت اني ببكي انصدمت واستغربت وش ذا الكلام انا الي مافوت فرض ويشهد الله علي
حتى لو اني نايمه افز من نومي واصلي فرضي حتى صلاة الوتر ماتهاون فيها ابدا وهي تعرف ذا الشي
قلت لها ليش خير وش فيه
تخيلوا قدام امي تقولها بصوت عالي
تقول انتي تبين تتزوجين بسرعه ولاهمك استخاره ولاشي عشان تحتنحنين معه تحت البطانيه
اسفه اني كتبت الكلمه بس من قهري من ذي الكلمه
انصدمت من كلمتها ذي وش دخل ذا بذا
انا انقهرت من كلمتها وقلت لها خير وش فيك
وعصبت قالت اصلن احنا نبي الفكه منك
ياعالم انا منصدمه ليش تسوي كذا فيني
وانا الي قايمه فيها وفي عيالها
والله العظيم اني اخدمهم وماخليها حتى تخش المطبخ وبالاخير تجازيني بذا الشي
تقط كلام يجرح وتتهمني في فرائضي وواجباتي قدام ربي
تكفووون شوروا علي وش اسوي معها
الله يرحم والديكم لاتقرون وتطنشون والله مالي حد غيركم افضفض له
من القهر الي فيني قلت لامي لو يجيني مدمن زوجوني عشان ترتاحون وانا ارتاح وش ذا الاسلوب
والتعامل
استغفر الله العظيم بس
والله اني منخنقه لو الخاطب ذا جا لاختي كان اهلي اهتموا
بس ماهتموا احسهم مطنشين وجالسين يسحبون بالرجال
ليش لمن نبي الحلال يصعبونه لنا ليش الحرام طريقه سهل
اللهم اني اشكوا لك ضعفي وقلة حيلتي فاستر عليه يارب
واغنني بحلالك عن حرامك وبفضلك عمن سووواك
تكفون ادعو لي ان يتممها الله على خير
