عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير للجميع
بصراحه والله مدري لي فترة متردده اني اكتب
بس والله تعبت وضعت مابين الامل واالالم
قصتي ياخواتي تبتدي انه انا ولد عمي نحب بعض من سنه و4 شهور
طبعاا هو منفصل عن زوجته وعنده بنيه صغيرة عند امها
المهم الفترة ذي اهله قاعدين يضغطون عليه يرجعها عشان بنته وهو مايبي طلقيته ابد ولاهو مبسوط معها
المهم انا جيت وتجرات وتناقشت معه قلت له كل اللي بخاطري عنا انا وهو
قالي بس انا ماقتنعت بحكيي ابد ومبرراته
قلت له ليش انا وانت مانخلي حبنا بالنور بدل الظلام
قال محد يكرة الشي ذا
بس ابوة <<اللي هو عمي اخو ابوي
رافض انه يتقدم لي بس هو طبعاا ماحدد عشان محد يشك بس قال ابي اخطب من بنات عمي فلان طبعاا انا يتيمه ولاعندي اخوان بس خوات وانا 2 خواتي
بس سبب رفض عمي انه مايبي يظلمنا مع بعض لانه لو صارت مشكله من يفزعله مع بنته اللي انا والا مع ولده
لانه يعتبر عمي وكيلي عني .. رديت عليه ليش تسبقون المشاكل وانه وانه,,
المهم انا سكت مدري ماقتنعت قلت له حارب كرمال حبنا وسعادتنا قال ابوي رافض وش اسوي
كانك منت مصدقتني قلت الا قال تبيني اروح وتسمعين وشيقول بس اذا هزائني ماراح تسمعين صوتي مرة ثانيه سكت وبديت افكر قلت ليش هذا كله عشان ابوة مايبي يظلمني معهم …
سالته فيه اسباب ثانيه قال لا مافيه
سكت وقعدت اقلبها براسي وقلت له انا بخاطري شي ودي اقوله بس ماقلت له خايفه
بصراحه ابي اقوله ماقتنعت بكلامك مدري ليه 🙁
وهالحين بين نارين ولاني عارفه هو يحارب مايبي يرجع للجحيم اللي كان فيه وانا عايشه الوجع بقمة الالم …
تكفون علموني وش اسوي
طيب ابتعدت عنه انا ماقدر ودي اني اقدر ..والا ارجع اواجهه واقول ماقتنعت بكلامك لو تبيني كان سويت المستحيل بس هو يقول تبيني اكون عاق في بوي مدري احترت مابين عمي وولده وقلبي
هالحين وش اسوي بيني وبين نفسي اول مايقرر مصيرة ابتركه وهذا انا قاعده اقنع نفسي بس ابي هذا اخر حل
تكفون عطوني حلول علموني وش اسوي …؟
الوقت يمشي والله
