عالم البنات النسائي كل ما يخص المرأة العربية من ازياء وجمال والحياة الزوجية والمطبخ
عندي مشكله مؤرقتني ومتعبتني نفسيا
الدورة اول ثلاثه ايام غزيره مره
لدرجة اني كل ساعه او اقل لازم اغير وكل مااغير
لازم مو بس اغير الفوطه والكلوت والسروال واحيانا البنطلون
غير كدا قطع كدا اوصال كبيره مره تنزل مني
والله مره تعبت وجربت كل الفوط كلها تتغرق اول ساعه واحيانا نص ساعه
قلت لماما ماحسيتها اهتمت كم مره ونا اقول لها
تقول عادي واختي قلت لها تقول الله يعينك
ابغا اعرف هدا شي عادي ولا في شي مو مزبوط
كمان ابغاكم تقولولي اسم فوطه تمتص مزبوط
انا جربت اولويز البنفسجيه مانفعت مره لازم كل نص ساعه الحمام
الله يكرمكم لدرجة اني حسيت اني اسكن في الحمام احسن
وجربت برايفت كويسه بس برضي اعاني
وفام مانفعت وسندريلا
والله كتير طفشت والي يطفشني اكتر اني لازم البس لون اسود ايام الدورة
ولا الدنيا تطير طينه واتفشلوالشي الي مؤرقني مره اني مخطوبه وقريب فرحي
ايش حسوي لما اتزوج لازم كل شويه اغير
صعبه كل نص ساعه اقوم اغير الفوطه والكلوت واللبس كمان
انا هنا بيت اهلي على طول فاتحه الغساله ايام الدورة
ياليت تردو وتساعدوني
