عيال عمتك ولا عيال خالتك

السلام عليكم ورحمة الله وبركاته

صباح / مساء الفل والورد والياسمين ياأحلى عرايس 2010 بأذن واحد احد

المهم حبيباتي انا مالي بالمقدمات لا أحبها ولا أعرفها

بس طبيعي وبديهي ان لكل وحده منا خالات وعمات وزوجات عم وزوجات خال

لنفرض ان عيال خالتك مثلا شباب كويسين وفيه منهم الي من سنك وفيه الي اكبر منك وفيه الي اصغر منك وانتي تحبين خالتك وتعزينها وخالتك نفس الشي تحبك وتعزك ومعتبرتك مثل بنتها فجاه تلاحظين ان خالتك تروح تخطب بنات الناس وانتي بنت اختها جالسه في بيت امك الي هي اختها وعمرك كبير والبنات من حواليك اصغر واكبر تزوجوا وماقالت بنت اختي ماراح القى احسن منها

طيب خلونا من هالسوالف تخيلي عمتك تمون عليك وتأمرك بأي شي تبيه من دون اي تحرج وتجي وتنشب عندكم بالبيت وتقولك انتي احب بنات اخواني عندي وفجاه تروح تزوج ولدها بنت عمك الثانيه وانتي يالحبيبه ساحبه عليك

ولا تخيلي زوجة عمك كل ماشافتك بمناسبة قالت الله يرزقك النصيب الطيب وهي كل سنه يتزوج عندها ولد من بنات من قرايبك ولا من غير قرايبك ولافكرت فيك وش يجي في خاطرك بالله

اتوقع هالمواقف كلها مألوفه عندنا وتمر بحياتنا ابغى كل وحده ترد رد موضوعي ومقنع وصادق

انا عارفه ان كل شي قسمه ونصيب وماحد ياخذ الا رزقة علشان كذا ماراح ارضى باي رد من هالردود

نتكلم بالعواطف بالاحاسيس بالمشاعر مو بالعقل