عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
هذه يالغاليات مستحضراتي اللي ابدا مااستغني عنها
خاصة بالبشرة الدهنية
والحمد لله عاملة لي كنترول وسيطرة على افراز الدهون لكن يلزم لها وقت على ماتحصلي ع النتيجة
من اليمين
– كلين اند كلير ضد اللمعان يمتص لك الدهون ومع الاستمرار فترة طويلة يعمل لك كنترول عليها
لكن علشان لاتتحول بشرتك لجافه استخدميه شهر وشهر لا وارجعي له يعني خلي فيه توازن في الاستخدام
– اللي امامه بعد من كلين اند كلير نفس الشي مرطب يومي ضد اللمعان قبل النوم واول ماتصحين تستخدمينه
– في الوسط اسكينيول ليمون الليمون قابض للمسام ومنظف رائع للبشرة
على اليسار
– مقشر للبشرة الدهنية
– االلي امامه غسول للبشرة اي ماركة ممكن تستخدمي بالليمون طبعا حلو ومنعش وقابض للمسام ويخفف اللمعان
طريقتي في استخدامهم
انظف بشرتي بالاسكينول
اخلط المقشر مع مستحضر ضد اللمعان وافرك بشرة وجهي
بعدها استخدم الغسول علشان يقفل المسام
والكريم المرطب ذكرت انه قبل وبعد النوم
ممكن تستخدي فرشاة العناية بالبشرة او ليفه خاصة
انا استخدم هالصابون الملتصق فيها ليفه
طبعا مااكتفي بهذه المنتجات لا لي خلطاتي الطبيعية وخبرة في العناية بالبشرة ويمكن هذه اللي تجيب نتيجة اكثر
لكن كلين اند كلير هذه فاعليتها تقلل افراز الدهون ماتكون بشرتك لامعه ومادخلها بتنظيف البشرة وصفاءها فقط تقلل لمعه الدهن على البشرة
ان شاء الله الموضوع الجاي بضيف لكم خلطاتي المميزة اللي فعلا فادتني في بشرتي ومعتمدتها من زمان 😳
