عندي معلومات للي تبي تعرف جنس الجنين بكرشتها تجي (موضوع للتسـليه فقط) ..!!

يابنات انا عندي محاضرات كثيررره وكلها انجلش وترجمه وعوار راس

فاا طرت ببالي فكره <<ابي اتهرب من الدراسه طبعا خخخخخخخخخ

وبنفس الوقت اناا بتنفقع مرارتي ودي اعرف وش حامل فييه !! 😆 idea:

انا بالشهر الرابع الحين ومااعرف جنس الجنين وشوو بس اني من يوم حملت بالشهر الثاني

وانا بس افكر وادورلي اسم بنت واسم ولد وذابحه روحي الي يشوفني يقول هذه شكلها قربت تولد خخخخخ 😆 🙂

وشفت عده طرق بالنت وعلى بدايه واسمع من الحريم اشياء ووللحين مدري وشفيني اشوف اعراض ولد وبنت فيني

احيانا اقول يالوناسه لو اني حامل بتوأم هههههههه المهم بقولكم بعض الطرق الي قريتها:

1- سمعت ان الي تتوحم وحامها ثقيل تجيب بنت , والي وحامها خفيف ولد .
2- في وحده قالتلي شوفي الخط الي تحت السره اذا كان مستقيم ولد واذا كان مايل شوي بنت .
3- وسمعت ان البطن عريض بالبنت وبالولد طويل وطبعا هذا للي تعدوا الخامس يمكن مدري اذا الي بشهورها الاولى لحد الرابع تعرف ولا لاا.

وقريت طرق غريبه صراحه بالنت ومنها:

4- ان الحامل اذا ارعفت من خشمها اليمين ولد واذا من اليسار بنت . <<هذه الطريقه صدقت مع ثنتين من صديقاتي 💡
5- وفي طريقه ان الحامل تحسب عمرها يوم تولد طبعا+ الشهر الي بتولد فيه = اذا طلع العدد فردي بنت واذا زوجي ولد .
طبعا الي مو فاهمه يعني احسبي يوم تولدين كم بيكون عمرك وتزيدين عليه عدد الشهر الي بتولدين فيه وبس .
6- الحامل اول ماتقوم الصباح تاخذ كميه من البول “وانتم بكرامه” وتحطه بإناء زجاجي وتخليه بمكان مظلم تقريبا لمده 8 ساعات وبعدين تشوف الترسبات الي فيه اذا كانت الترسبات في قاع الكوب بنت واذا كان بالوسط او اعلى فا ولد .
7- طبعا اخر شي خليته الجدول الصيني وابي اقول عنه اشياء كثير عشان لحد يقول تحرم الجدول وهذا تنجيم
انا وحده من صديقاتي بس تحسب لبنات قرايبهم والي حسبتلهم فوق 10 بنات وتقول كل الي حسبتلهم وشفتلهم بالجدول الصيني
طلع صح 100% وتقول بس وحده غلطت فيهاا واكتشف باالاخر ان الوحده هذه ماعطتها عمرها الحقيقي ويوم حسبت بعمرها الحقيقي طلع صح

وانا جلست افكر بالجدول الصيني ذا اكتشفت ان الصينيين ماسوووه ع اساس تنجيم زي الابراج الي تتكلم عنك وعن مستقبلك لااا
انا الي فهمته انهم سوا زي الاحصائيه على مايقارب 100 حرمه فا كل ماتولد وحده مثلا بالشهر ذا تجيب نفس الجنس وسجلوا كل عمليات
الولاده هذه فا اكتشفوا ان فيه تشابهه بجنس المولود اذا كان عمرالسيده كذا وكان حملها بشهر كذا تجيب كذا وخلاص ليش خلوه الناس تنجيم ؟؟!!!

اوووف تعبت
طبعا في حاجات كثيرر بس انا ودي اشوف الاعراض منكم انتم اذا صح او لاا
وفي اشياء بقولها ع السريع تعبت من التعداد :
الي تحس رجولها اليمين توجعها ولد طبعا <<شكله اي شي باليمين ولد هههههههه والي باليسار بنت والي تكره الجماع بنت والي
عادي تحس انه مافي مشكله ولد.. وفيه طريقه فطست ضحك عليها تقول اذا فيه وحده حامل حطوا ع راسها ذره ملح وهي ماتدري طبعاا اذا لعبت بشعرها تجيب بنت واذا حكت دقنها ولا حكت شنبها تجيب ولد هههههههههه 😐
وخلاص نسيت الباقي شكلي بسوي بحث وانا اقرقر …

يلااا ياكروشات تكفوون علموناا وش الي صار معكم انا فيني اعراض بنت وولد ومييييييته ابي اعرف وشو الي بكرشتي