عندي عريس بس مارح ادله على احد…

مرحبا
كيفكم
جايبة لكم موضوع
صديقتي لي فترة يمكن سنه اسمعها تقول لي ان جارتها تسالها عن بنت موظفه و زينه تبي تخطبها لولدها اذا هي (صديقتي) تعرف احد تدلها عليها..
تكمل كلامها (صديقتي) عاد انا اخاف ادلها على فلانه او علانه تصير ماتعجبها و تقعد تتكلم و تقول وش هاللي جابتها لنا..

انا اول ما قالت لي السالفة هذي انصدمت بشخصيتها ماتوقعت انها انانيه لهالدرجه
(مع العلم انها متزوجه و عمرها 31و عندها بنت و انا 26سنه عزباء) طيب..

و مرة كنا جالسين مع حدة عمرها 35 و ماتزوجت و قالت لها نفس اللكلام ان في وحدة تبي لولدها و كذا قالت لها( البنت 35سنه) ليه مادليتيها على خويتنا (تقصد وحدة 37سنه و جميله و خلوقه ماشاءالله) قالت صديقتي اخاف ماتعجبها و تقول لي فيها و فيها…

انانيه لدرجة اللؤم
انا 26 و عديتها
تجي تتكلم قدام اللي عمرها 35بكل بجاحه

انا رديت عليها _ هم يتفاهمون مع بعض_

و المشكله يوم انك ماتبين تدلين على احد وشوله تقولين السالفه اصلا؟؟؟؟

وش رايكم انتوا بالناس اللي زي كذا؟