عندما يتحول حلمي إلي حقيقة .. ( الجزء الآول )

حبيباتي أخباركم ؟ عساكم طيبات ..! 💡
ما فيه شك كل وحده فينا فيها حاجة بنفسها ولها رغبة شديدة بتغييرها .؟
تحاول ممكن تصمد شوي لكن ؟
تظل وترجع زي أول .
وهذا الشئ للأسف يزيدها هم ونكد وإحبااط …
فيه منكم من تحس نفسها عصبيه حيييل لدرجة إن عصبيتها مخربة علاقااتها الاجتمااعية ؟
وفيه منكم من هي حساااسة حيل ..! لكن للأسف حساسة بين وحوش ..! كل كلمة تضايقها وتنكد عليها …
وفيه منكم مثلا وحده دبدوبه وحاابة تنحف . تعمل رجيم يومين وتخسر كم كيلو بعدها تنتكس وتكسب بدل الكيلوين أربعه !!!
نعم كل وحده فينا عندها مشكله . مأرقة حيااتها ….

لكن الحل وااااااااااحد بإذن الله تعالى ..
قبل لا أقولكم وش هو الحل أبيكم كلكم ..
تقرون موضوعي مره ومرتين وثلاث .. وتركزون على النقاط أدناه .

هذا بالضبط ما يحصل في عقلك ..
إذا كنتي مهملة أفكاارك وعندك إعتقااادات معينه فلازم بالاول تتخلصي منها حتى تبدأين تزرعين أفكار حلوه . لا وبعد لازم تسقين أفكارك يوميا بالعزيمة والاصرار والاراادة ولا مارح تنبت عندك وتكبر وتصير شجرة لها ثماار وأزهار ..
يعني رح يكون رآبعا .. هو إنك تنظفين عقلك من كل الشوائب ؟ طيب بتقولي كيف ؟
خليكي هااااااادية جدا جدا هاليومين وما تفكري بولا حااجة كثر ما تقدرين وإستغفري طوول اليوم مهما تجي في بالك من أفكار إردعيها وواصلي إستغفار ..
لما حد تحسين إن أفكاارك مااتت .. < ترى الكلام هذا من جد من واقع تجربتي في التخلص من الحساسية الزااايدة.
وطبعا رح يتفاوت وقت موت أفكااركم السيئة والتخلص منها على حسب إراادتك وعلى حسب تأثيرها بحيااتك ..

يلا أرجع أعيد لكم كل كلامي بإختصار حتى تمشون معاي صح .
أولا خليك راعيه عزيمة وإرادة إغصبي نفسك وتذكري كيف حتكون حيااتك رائعه لو كنتي الشخص إلي تتمنيه ثانيا طيري واكتبي أو قولي بصوت عالي في غرفتك { بس من دون ما أحد يسمعك أو يكون معاك هذي تعتبر أسرار شخصية ومش مفروض أحد يعرفها غيرك } كل ما إنتي حابة تغيريه أو تكتسبيه , ثالثا هدّي أعصابك ولا تفكرين بأي شئ وتخيلي إنك بهالطريقة قااعدة تبنين عقلك من جديد على أسس صحيحة وإشغلي بالك بالاستغفار واطلبي من ربك العوون .

وكل وحده تحس نفسها وصلت لدرجة إنها بالفعل مستعدة للتغيير تقول لي هنا .
وأنا بإذن المولى رح أكتب لكم بكرة الجزء الثاني حتى تبدأون تمشون عليه ..
طبعا حتكون دورة تطوير ذات مصغّرة رح أعطيكم فيها خطوات مدروسة ومجرّبة
بالاضافة لدروس عاامه ..
وما عندي مانع أي أحد ينقل دورتي نظرا لآني حاابة الكل يستفيد ..

وأدعو إن ربي يسهلها لي ويساعدني فيها ..
ويااارب إنتو تستفيدوا منها . رجاء إلي تستفيد تكتب
ترى حيل يحمسني ويشجعني الكلام هذا وخاصة إن عندي حاجاات كثييرة بخاطري أكتبها لكن أبي شويه تفاعل وأهم شئ الفائدة إلي تعم الجميع ..