عندج احتفال بمناسبه سعيده ؟؟

اشحالكم …

عندي لكم برنامج ….. اخترقت بيه كل قوانين الاحتفالات

وهذا البرنامج كان ابتكار منى لصديقه عزيزه على ……وتعرفون شو كانت النهايه سفر يعنى ريل صديقتى بعد هذه الحفله سوي مفاجاة وخذاها سفره وتصدقون قالت لى السفره هذه صارت احلى من سفر ه شهر العسل لانه حاجز الحياء خلاص انكسر …… المهم بقول لكم البرنامج يمكن اقدر افيد فى شى لاخواتى مع ان البعض ماقصر وابتكر اشياء اكثر من رائعه ,,

المهم البرنامج …

طبعا يوم الى بيكون عندج الحفله لزم تحاولين تنامين بكير شويه عشان وراج نشه من الصبح يعنى ابكر من كل يوم

المهم فى قومى الصبح وسوي افطار لزوجك ……
بس افطار اسبثل…..كيف انا اقول لج كيف

اولا ….. يبى مفرش دنتيل من القماش الابيض وحطيه على الطاوله

وبعدين حطى شموع ولعيها طبع بتقولون صبح بس انتى جربى وشوفى كيف بيكون

وطبعا سوي الريوق … تيبن صحن ابيض وتحطين فى جنب شرائح خس رقيقه وبعدين تيبن اعواد الشواء وتشكين فيها مربعات جبن عربى وخيار
وطماطه ازيتون اسود طبعا بالترتيب لين يكمل العود تحطينه على الخس وترشين فوقه اشويه زيت زيتون
وتحطين جبه مثلثات خبز عربى …..وفى جمب اخر تسوين مثلثات توست محمص وتمسحينه بشويه زبده ومربه

طبعا تحطين معاهم كاسات العطير….. ولا تنسين الشاي او القهوه

بعد مارتبتى كل شى ..

خذي حمام .ولبسى ملابس والوان تعتقدين راح يحب زوجك يشوفها عليج
ومشطى شعرج بحيث تلفين شعرج كل وراء وتعطري بعطر فرنسى خفيف وحطى لج اشويه من دهن العود فى اماكن النبض طبعا تقدرين تدخين البيت بس بالعود عشان ريحته تكون ناعمه…..وراح تكونى والحين سير وعى زوجك من النوم ……بشرط يكون قبل دوامه بنصف ساعه عشان يقدر يجلس ويشوف شغلك ويوم بيى بشوف المفاجاة راح يتخبل ولا بيعرف يرد بس عاد تحملى يطنش الدوام ………..عشان لهذا اليوم جدول لزم تقومين بيه …

وطبعا طول الفتره الى بتجلسين معاه للافطار لا مانع من محركات الدلع وحركات منج تخليه طول اليوم يفكر فيج ولا تروحين عن باله وتخلينه يحسب الوقت عشان يرجع لك

طبعا فى اشياء ماقدر اقولها بس الى تبى تشرفنى فى الخاص وانا بالخدمه

هيه نسيت شى…….
حطى له على طاوله الطعام جدامه بطاقه تهنيه وحطى مع البطاقه هذيه بسيطه مثل عطر او قلم

طبعا ماكملت وللموضوع بقيه …..يعنى برنامج الغذاء وبرنامج السهره وافكار يارب تعجبكم