عماتي يبون يخطبوني لكني محتاره

كيفكم فرآشآت !!

ي رب يكون الكل بخير ..!

بدخل بمشكلتي على طول 😥

أنآ فتاة أبلغ من العمر 21 .. ب الأول رآح أقول لكم نظام عآئلتنآ بتزويج بنآتهم

طبعا جدي مسسستحييييييييييييل يوافق على واحد من برى العائله و حتى جدتي بعد 😈

مع العلم ان جدي و جدتي ما يقربون لبعض .. و عندهم نظام غبي جدا الا و هو عطني بنتك و تآخذ بنتي ..

أنا للأسف م عندي اخ .. إحنا بس بنتين ..

و ب العائله م في عيال كثار يعني مافي الا 3 بس و الباقي كلهم متزوجين

المهم اكبر وحده بعماتي سبق و خطبتني لولدها و عمره 32 ..

و لأن عندي عمه ما بعد تزوجت فيقولون اول لازم نزوجها بعدين نزوج الباقي 😉

و عمتي هذي زواجها قربب ان شاء الله ..

و عمتي ام الولد كلمت جدتي انها راح تجي تخطبني من جديد ..

أنا احس اني مرتاحه و مو مرتاحه ..

و السبب الأول لأن عمتي و بناتها و امي دايم يتهاوشون مع بعض و يرجعون يتصالحون

وَ السبب الثاني سمعت ان ولدها يشرب حشيش مع العلم ان اغلب القبيله حقتنا كذا يشربون حشيش

و حتى ابوي و عمي الكبير يشربون ..

و لدها قبل كان طايش مره و راعي مشاكل لكن الحين هجد حيييييييييييييل و كل اعمامي و عماتي يمدحونه ..

و حتى م شاء الله يشتغل و رآتبه زين و يقولون انه صار بيتوتي معد يطلع و كذا و انه ينام من 11 الليل ..

و هم عندي عمه ثانيه تبي تخبطني لولدها لكن ولدها اصغر مني و لا يشتغل و ما عنده مسؤليه و مدمن نت و نايم النهار و صاحي الليل

المهم ما قدامي الا هذولا الإثنين ولا بيزوجوني واحد متزوج و انا لآ يمكن اوافق 💡

انا ودي آخذ الكبير و مفكره لو تزوجته بإذن الله راح أسآعده انه يترك هالسم و راح أقنعه بإذن الله

بس اني متردده ..

و حتى يوم امي كلمت ابوي بهالخصوص قال البنت بكيفها كانها تبي برآحتها ..

وربي محتاره و خايفه

عسى من تشور علي ربي سعدها و يرزقها ما تتمنى و يسخر لها كل عباده

تكفون لا تبخلون علي والله ما عندي احد استشيره 😆 🙂