على وجه ولاده ان شاء الله بس محتاجتكم جدا يااخوات حتى البكريات ربي يجزاكم خير

فالتاسع واراجع عند دكتور في مستوصف خاص وبرضو اراجع فالمستشفى اللي راح اولد فيه ان شاء الله
امس رحت الدكتور فالمستوصف قالي يعني يبي لك 10 ايام بالكثير اسبوعين ان شاء الله واذا مر عشر ايام ماولدتي تعالي نسوي لك توسعه اللي بعض الدكاتره يسمونها تحفيز
المهم يابنات انا نفسيتي صايره ام ريااااااال متضايقه من نفسي ومن اللي في بطني ومن امي ومن ابوي واخواني وزوجي وبنتي ومن ثيابي اللي علي ماابي احد يقولي ولا كلمه واي احد يزعل بالطقاق ماعلي منه مره تعبانه وحوضي ذابحني ومره نفسيتي دمار
خاااايفه موت من الولاده اتشجع يوم يومين وارجع اخاف وفي نفس الوقت ودي اولد الحين قبل بكره من التعب
توي مسكره من زوجي من امس وانا مزعلته وزعلته الحين زياده وبكيت ع الخط لين قلت بس وفهمته وش فيني بس وربي زهقت بقوه من وضعي لدرجه اني كم مره ابغى ادعي على نفيي بالموت وارجع واستغفر واتعوذ من الشيطان
احس اليوم يمر كنه عشر سنين من ثقله يوم امس احسه رايح له اسبوع
حتى اذا طلعت برا ابي اي احد اتهاوش معه ومن يوم اطلع وانا اسب والعن وضايقه وارجع البيت وانا متكدره اكثر من قبل مااطلع
تخيلوا اليوم صحيت من النوم توي صاحيه واطلع من غرفتي وانا ماشيه فالصاله لقيت الارض مو نظيفه مو وصخه بس مو مكنوسه واعصب واتضايق ويقفل مززااااجي مره وحده وارجع غرفتي وانا الدنيا كلها فوق راسي زعلت اهلي ياوصخين يامقرفين يا ويا ومتى بس اولد واروح بيتي وافتك منكم ومن هالكلام مع انه بنتي هي اللي موصخه الصاله واهلي والله انهم مراعيني قد مايقدرون ومتحمليني جدا جدا ومسوين بي يادهينه لاتنكتين بس غصب عني حاطه حرتي فيهم شفتوا لاي درجه نفسيتي منتهيه واكثر وربي احس اني مره قاسيه على اللي حولي كللللهم ماعمري كنت كذا
الكلام هاذا كله ماصار الا من ثلاث اربع ايام بس اليوم بزيااااااااااااده
انا من الناس الي يتأثر بالكلام والمشكله مو معطيه فرصه لاحد يجلس معي. ويشجعني ويريحني حتى امي ماابي اقعد معها تكفون طمنوني ابي هالخوف يروح شوي انا اتخيل على هالنفسيه اللي انا فيها لو يجيني الطلق وش بيصير فيني مرعوبه وتعبانه وضايقه حتى قبل فتره كنت اصلي فالليل واقرى كل يوم من القرآن الحين ماابي اتعدى مخدتي واذا بغيت اغير جو مسكت الايباد تكفون ياخواتي ريحوني ابي احد يطمني او على الاقل ادعوا لي ربي يشرح صدري ويهون ولادتي هاذي ولادتي الثانيه ان شاء الله بس ماتتصورون وش كثر شايله هم تعبانه نفسيا بس انتظر وخايفه وجسديا ثقل وحوظي متعبني تكفون طمنوني ادري ماراح اسمع كلام جديد بس محتاجه احد يريحني
ربي يجزاكم خير واللي بتدعي لي ربي يجزاها بالمثل