عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكم ياأحلى فراشات… :090:
انا عندي مشكلة ومالي الا انتم افضفض لكم واستشيركم وان شاء الله تساعدوني..
انا متزوجة من سنة ونص والحمد لله مبسوطه مع زوجي وهو يحبني ويحترمني كثير
المهم جبت بنوته حلوة والحين عمرها تقريبا ثلاثة شهور ومن بعد ماولدت تغيرت معاملة زوجي لي
يعني صار اهتمامه بي قليل وبس يسأل عن البنوته ويهتم فيها كثير …
وانا تقريبا ناسيني واحس انه بعدنا عن بعض كثييير هذي الفترة طبعا بعد الولادة انشغلنا بالبنوتة وصياحها و و و …
بس الحين الحمد لله بنوتتي طيبه وتعدل نومها وكل شي تمام
المشكله اللي قاهرني انا بعدنا عن بعض ماعاد يقول لي كلام حلو الا نااادرا ولا يحسسني بحبه لي
وصرت انبه واتكلم معه واقول له مانت زي اول يقعد يضحك ويقول لا والله بالعكس ووو.
تخيلوا حتى البوسه انا اللي اجي لين عنده وابوسه واطلب منه يسلم علي ويقول لي كلمه حلوة طبعا هو وقتها ينحرج مني..
طبعا وهو طبعه كتوووم ومايعبر عن مشاعره الا نادرا..
تخيلوا حتى علاقتنا الخاصة صارت في الاسبوع او الاسبوعين مره
رغم اني ماقصرت معه.. صح في البدايه انشغلت ببنتي بس الحين لا والله بديت اهتم فيه زي اول بس مالقى تجاوب منه…
بصراحه تعبت مررررره
وش اسوي معه انصحوني الله يسعدكم…
