علاج فعال لحرقة المعدة من تجربتي

مرحبا بالفراشات الكروشات
طبعا مشاكل الحمل ماتخلص واني الحين توني داخلة السابع ومن السادس أعاني من حرقة لو أكل أقل شي ومتضايقة منه والحين جبت ليكم الحل السحري اللي ➡ على طول تحسي بالفرق وهو منقوع اللبان
وطريقته:
طبعا كلكم تعرفوا اللبان تجيبوه وتحطوه في غرشة زجاج (انا استخدمت غرشة فيمتو)وتضيفي ليه ماء
انا تقريبا حطيت 3 ملاعق اللبان وحطيت الماء لنصف الغرشة وبعدين ترجيها عدل وتخليه منقوع في الماي
واي وقت تحسي بالحرقة شربيي منه بيالة بس كل مرة بتشربي لازم ترجي الغرشة شوي قبل وان شاء الله فيه العافية على طول بتروح جربوها وادعوا لي الله يتمم حملي ويسهل ولادتي ويرزقني بنوتتي سليمة معافاة من كل شر وبلاء ويطول عمر ابويي ويخليه لأن هو اللي علمني هالدواء