عالم البنات النسائي كل ما يخص المرأة العربية من ازياء وجمال والحياة الزوجية والمطبخ
نصائح هامة ومجربة حاولي تقرايها مرتين في اليوم قبل وبعد النوم
واهم اشي:
1- لا تحاول انك تخسر احد قدر الامكان.
مستحيل تعيش و ما تحتاج الناس والزمن ماله امان.
2- الطيبة
الطيبة مطلوبة لكن لها حدود و تدري ان الطيب بها الوقت مجنون يعني
مو مع كل واحد تكون طيب واسالني انا عن الموضوع ذا بالذات والله فيه ناس حرام ان الواحد
يبتسم لها لكن خليها على الله
-3-
الثقة
ويا نار قلبي من الثقة لا تثق في اي شخص مهما كان قريب او بعيد الا بعد ما تجربيه مرتين
ثلاث و تتاكد من نواياه واذا بتثق في كل شخص فتحمل اللي يجيك بروح رياضية
-4-
العاطفة
عيوني احكمي قلبك لا تسمحي لقلبك في يوم يحكمك اذا سيطر عليك قلبك فتراها كارثة ومهما
ارتحتي دايم اصدقي مع نفسك ومع الناس واحكمي بعقلك و لا تحكمي بقلبك ابدا ولا تخسري عقلك عشان ترضي قلبك
-5-
لا تظن فيه احد بالدنيا بيفضلك على نفسه وبيضحي بمصلحته عشانك مهما قال ترانا في زمن
نفسي نفسي و ما ادراك ما نفسي وانت فاهمه وش اقصد
-6-
لا تزعلي نفسك ابدا الدنيا فانية وما فيه شخص بالدنيا يستاهل انك تزعلي عشانه مهما كان غالي
واي مصيبة قابليها بابتسامة والله يفرجها..
فبل كذا قرايت بيت حلو بما في معناه لا تنزل دموعك عشان احد اساسا لو كنت غالي عنده ماراح ينزل دموعك بيحس دموعك غالية
-7-
تجنبي انك تجرحي كرامة احد مهما كان مخطي كل جرح يطيب الا جرح الكرامة وجرح
الاحساس
افرضي على الناس احترامك احترمي الناس يحترموك ومثل ما تعامل الناس يعاملوك
-8-
لا تجاملي.. قد ما تقدرين خليك صريحة وخلك راعية كلمة و واللي يزعل من صراحتك
فتاكدي انه مو صادق معك خليك صريحة بصراحتك لا تجرحي احد يعني باسلوب وادب وانتي
اخبر مني
-9-
الاحتقار
العالم النفسي (كلودبرنار)يقول:
لا تحتقر اي شخص لا بافعالك و لا بكلامك و لا بالتلميح ولا حتى بالنظر
فانت لا تدري هذا الشخص من يكون بالغد و لاترتضي لغيرك مالا ترضاه لنفسك و الا فسوف تخر
-10-
الكذب
مع اني متاكد انك بعيد عنه دايم مشكلة الكذاب انه يخاف ان الناس يكذبونه وهو ما يصدق الناس
و ذي بحد ذاتها مصيبة و الكذب له اسباب منها عدم الثقة بالنفس و اللي مو واثق بنفسه ليه عايش
اصلا الخوف و اللي يغطي بالكذب خوفه مسكين و يكفي الضعف و اللي نفسه ضعيفه الله يعينه
مريض نفسي
-11-
لا تمدحي نفسك ابدا خلي افعالك هي اللي تتكلم عنك وادري انك اكبر من هالاسلوب لانه اسلوب
جاهل يظلم نفسه وهو ما يدري يا حرام
-12-
آخر شي خليك مثل البحر اكتم بقلبك كل شي و الله الواحد اذا كان كلامه يقولون وفلان قال وما
عنده غير قيل وقال فو الله مافيه خير ابد لا لنفسه و لا لغيره و يكفي ان هالاسلوب اسلوب عجايز
