عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
يافراشات السالفة ومافيها احنا مجموعة صديقات
تزوج منها وحدة وانا وبقى مننا ثلاث لسه ماتزوجوا
الله يرزقهم وكل بنات المسلمين..آمين
بس في وحدة من بينهم((مو سعودية))
يعني عايشة بغربة..ومالها قرايب ولا معارف ولا اصدقاء غيرنا
عمرها 24
نفسيتها تأزمت بعد زواجي لأني انا اقرب وحدة لها من بين صديقاتها
بس هي تكابر ولا تبين حساسيتها
لدرجة مرة لمحت لها عن معرس بس (بدوي)
قامت زعلت مني بقوة
وقالت لا تجبي سيرة هالموضوع مرة ثانية
انتي شفقانه عليه صرت اكسر خاطركم لانكم تزوجتو وانا لا
المهم بعد نقاشات طالت
قالت انا ماامانع عن واحد من جنسيتي ومتخرج من الجامعة
ياتجيبي عريس من ثوبي ولا اقطعي الموضوع لأني انا مو ميتة على الزواج
بالنهاية انا عارفة انها متضايقة وودها تتزوج اليوم قبل بكرا
بس هي ماتبين
فأنا قررت أكلم لها خطابة اعرفها
واقولها عن مواصفات الرجل المناسب لصديقتي
اللي من ثوبها يعني
واوصيها يبقى الموضوع من غير علم صديقتي بحالة لقت لها معرس مناسب
شرايكم الموضوع مو هين واخاف اذا صديقتي عرفت في يوم من الايام تزعل مني؟؟
او اني العب بالنار بدل مااسوي خير وانا ماادري
نزلت الموضوع هنا علشان تنصحوني واخذ برايكم
