عضوه جديده.. متقدملي عريس

سلام
انا عضوه جديده.. من الاردن.
بصراحه دايما بقرأ مشاركاتكم و تفاعلكم مع بعض.. ما شاء الله عليكم.. و حبيت اكون معكم ..
صار عندي مشكله و هذا الشي شجعني اكثر انه اشترك معكم و استفيد من خبراتكم
تقدملي شاب للزواج.. مو اول مره يتقدملي.. بصراحه انا برتاحله.. و هلا والدي خلا الموضوع عندي. و حكالي اذا الك رغبة بنمشي بالموضوع..
الشاب كان يدرس معي بالجامعه.. و بحس انه بحبني كتير.. و متل ما حكيت ما همه انه انرفض اكتر من مره و ضل يحاول يوصلي…
بس انا خايفه كتييييييييييييييير و الله.. لانه من جيلي.. يعني مواليد نفس السنه.. حتى انا اكبر منه بأكمن شهر.. و هو بشتغل ببلد تاني مو بالاردن.. يعني في غربه بالموضوع..
شو رأيكم بهاي الامور… خصوصي انه من عمري
الله يخليكم احكولي بستاهل هذا الاشي ارفضه .. مع انه كتير منيح و خلوق

تحياااااااتي