عشانكم بفتح جروحي وأعلمكم بسري

أنا اليوم قررت أفتح لكم قلبي وأحكي لكم سري اللي مايعرفه إلا الله ثم أنا وشخص ثالث

أنا طول عمري أعتبرت هالسر خطأ وكنت أخجل منه

كنت دايم ألوم نفسي وأحتقر نفسي على هالسر

مع إني أحيانا للأسف إلى الأن ألوم نفسي عليه لكن قررت أعلمكم به

لأني عرفت أنه به بنات واجد مثلي وأنا حبيت إني أشجعهم عشان ينسون هالشي ويكملون حياتهم

وما يوقفون مستقبلهم على هالشي

أكيد كلكم ودكم تعرفون سري

هالسر قديم صار قبل أكثر من 15 سنه

كنت بوقتها عمري حول الـ4 أو الـ5 سنين

يوم من الأيام رحت ألعب مع واحد من أقاربي وصار اللي ماكان في الحسبان

دخلني غرفته وشلح هدومه وأغتصبني

طبعا أنا بذاك الوقت ماكنت أعرف وش السالفه بس كنت أدري أن صار شي غلط

كبرت وحاولت أنسى هالشي لكن للأسف كنت كل ماأغمض عيوني أتذكر كل اللي صار بالتفصيل

كبرت وللأسف كبر سري معي أتذكره وأشوفه وأحلم به كل يوم كنه صاير بالأمس

كنت مجروحه وجرحي ماداوته السنين

كنت كل ماأكبر أقول لا زم تنسين هالسر لأن محد عارفه ولا أحد بيعرفه

وفعلا بطلت أفكر فيه ليما حسيت نفسي نسيته

لكن إنصدمت يوم كنت بأول ثانوي ورجعت أفكر فيه مره ثانيه

لأني أكتشفت أن به شي أسمه غشاء البكاره

طبعا أنصدمت ورجعت للمأساه مره ثانيه وصرت أفكر بهالموضوع كل يوم وكل ساعه وكل دقيقه

صرت من أدخل النت أدور عن غشاء البكاره وأقرأ عنه أبي أعرف عنه كل شي

كنت أفكر خلاص أنا بنفضح

لأني بس أتزوج بينفضح سري اللي خبيته طول هالسنين

أتخذت قرار إني ماأتزوج عشان ماأنفضح

وكنت كل ماأروح عرس أرجع أصيح لأني بنحرم من هالشي

بنحرم من أني أتزوج وأحب وأنحب وأصير أم

كرهت نفسي ورجعت ألوم نفسي من أول وجديد

كنت أشوف البنات يتكشخون وينبسطون وأنا عزلت نفسي عن الناس

كنت أحس بالعار وكأني أستغفر الله مسويه شي

يارب ماتفهمون كلامي ولا تحسونه لأن ماراح يحسه ويفهمه اللي مجربه

بنات اللي يصير معها مثلي يموت شي داخلها ولا عاد يحي تحس إن أنأخذ منها شي غالي

تفقد الثقه بالناس وحتى بنفسها تلوم نفسها وتحقرهاوتقلل من شأن نفسها وتلوم نفسها على كل شي

المهم بوقتها كرهت الرجال وكرهت كل شي يتعلق بالزواج

كنت دايم أدعي إن ربي يفرج همي وينسيني اللي صار

المهم

لكن كنت كل ماأكبر أحن لأني أصير أم وكنت أصيح كل ماأتذكر السر اللي بيحرمني من الأمومه

لكن مايئست من رحمة ربي يابنات

أنا إلى الحين ماأدري إذا أنا بنت ولا لا وأساسا ماأقدر أقول لأحد ولا أقدر أكشف ولا أي شي

بس متأكده مليون في الميه إن ربي ماراح يفضحني ويعذبني على شي أنا ماأرتكبته

أنا خلاص بطلت أفكر بالموضوع وتناسيته بالغصب

اللي خلاني أنزل الموضوع إني أبي أقول لكل بنت مرت بظروفي ويارب مايكونو كثار

لا تلومين نفسك وربي إنتي مالك دخل وأنسي وإن ماقدرتي تنسين تناسي وأستغفري كل ماطرى الموضوع على راسك

ولا تخافين ترى ربي معنا وماراح يفضحنا ولا راح ياعاقبنا

وأبي أطمنكم إني قريت كثير عن بنات مثلنا وتزوجو وعاشو حياة طبيعيه وكانو عذراوات

لكن أنتبهو تعلمون أحد .. خلاص أنسو الموضوع ولا عاد تفكرون فيه

إذا أنخطبتو لا تخافون وترفضون لا .. أستخيرو وتوكلو على ربي

ولا تعلمون رجالكم خلاص أنسو السالفه وعيشو حياتكم

أنا والله اللي خلاني أفتح جروحي و أنزل الموضوع إني لي فتره أقرى مواضيع عن بنات مثل حالتي ويرفضون عرسان وكارهين نفسهم وقلت خلني أنصحكم

وحتى قريت موضوع قبل شوي عن نفس الحاله وتشجعت أكتب لكم موضوع

ليش تضيعون أعماركم وشبابكم

يعني تلقون الحقير اللي أذاكم عايش حياته وأنتم تموتون كل يوم

لا عيشو حياتكم وأنسو

أنا السبب اللي خلاني أتأكد إني لازم أنسى وأعيش حياتي هو إن اللي تسبب لي بهالشي راح خطب وعرسه بالصيف

يعني ماهميته ولا فكر بي

وهذا هو راح بيتزوج ليش أقهر نفسي وهو مبسوط وسعيد وعايش حياته؟

أدري غثيتكم بكلامي بس أبيكم تنسون وتعيشون حياتكم

وتكفون اللي تعرف بنت صارلها هالشي تعطيها رابط الموضوع عشان تقراه

واللي مشتركه بمنتديات وتبي تنشر الموضوع لايردها إلا كيبوردها

وأسفه إذا كلامي ملخبط بس فتحت جرح قديم ومشاعري تلخبطت

أنا كشفت لكم سري وبودعكم لأني بيصير صعب علي أواجهكم بعد ماعرفتو سري

أنا دخولي للمنتدى قليل بس إذا في يوم من الأيام ضايقت أحد منكم أتمنى تسامحوني

..

في النهايه

حسبي الله ونعم الوكيل في كل إنسان أغتصب أو تحرش في بنت أو ولد أو طفل بصفه عامه

الله لا يوفقه ولا يسامحه وعسى عقابه بالدنيا والأخره مثل عقب الكفار وأشد

عسى كل إنسان واطي وحقير سولت له نفسه إنه يسوي كذا مايشوف يوم زين بحياته وعساه مايشوف الخير وربي يقطعه عن الناس ويقطع رزقه ولا يرضى ربي عليه

والله يوفق ويرزق كل بنات المسلمين والمؤمنين وخصوصا اللي صار لهم هالشي

الله يسترنا فوق الأرض وتحت الأرض ويوم العرض

الله يرزق كل بنات المسلمين والمؤمنين بالزوج الصالح التقي النقي مخموم القلب الغني بدينه وأخلاقه وماله عاجلا غير أجل

ويرزقهم بالذريه الصالحه عاجلا غير أجل

ربي إني لما أنزلت إلي من خير فقير

ربي أني مسني الضر وأن أرحم الراحمين

حسبنا الله سيؤتينا الله من فضله إنا إلى الله راغبون

اللهم يافرجنا إذا أنقطعت الأسباب سبب لنا أسباب الفرج من حيث مانحتسب ويسرها لنا ياأكرم الأكرمين

ربنا أنتا بالدنيا حسنه وبالأخرة حسنه وقنا عذاب النار

اللهم صلٌ وسلم على نبينا وحبيبنا محمد وعلى أله وصحبه أجمعين