عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
هذا اول مشاركه لــي وحبيت تكون من اعدادي واتمني تعجبكم وتقبلوني صديقة لكم
طبعا حبيت انزلكم طريقة الهمبرجر بالدجاج بالصور وان شاء الله تعجب الكل وخصوصا اهل الرجيم لان مافيها ولا نقظة زيت
خطتي الاولي كانت اني اشويها بالفرن بعدين قررت اقلبها فله بره بالحوش وعلى الفحم وطلعت احلى مايكون الحمد لله
واحب اذكركم ان مقاديرهاكانت تخبيص من عندي بس والله طلعت شي عال العال
ماطول عليكم اخليكم مع مقاديرها والصور 😀
المقاديــر
2 كرتون دجاج صدور < طبعا حسب عدد الافراد انا حسبت جيرانا كمان
نصف علبة زبادي
بقدونس
كسبره
بصل
ثوم
وشطه سائلة العادية
ليمون
البهارات ( كمون ، كسبرة مطحونه ، كركم ، فلفل اسود ،ملح ، ملح ليمون ، قرفة مطحونه )
واضح جدا درجة الحموضه في المقادير احب الشي حامض عاد انتم وذقكم
حطيت كل ها المقادير في الفرامه 
بعد الفرم 
طبعا الحين بسويهاعلى شكل همبرجر جبت شي مدور مثلا علبت جبنةاكرفت 😆 hy:
طلعت كذا انا حطيتها بالفرن نصف شوي عشان اعرف اقلبها على الفحم لان لسى الخليط مو متماسك
بها الوقت رحت اولع الفحم تحت ضوء القمر 
بعدين بديت اشوي وانا اغني “البارحه يوم الخلايق نيامه ” واعيد المقطع تاني الين خلصت الشوي
طبعا طريقة تعلمتها من اخوي اني اجيب ” قدر واحط فيه العيش الشامي وكل ماخلص احط بالقدر واغطيه عشان يطلع مشبع براحة الشوي والبصل المشوي طريقة جنان صراحه …!
طبعا همبرجر حاف مايصير قلينا بطاطس وعملنــا سلطة الكرنب بالمايونيز وسلطة الطحينــة مع ببسي دايت بارد جنان
الشكل النهائي بعد توزيع الصحون على”الضحاية “بس جد عجبتهم مرررره وراح اكررهــا ان شاء الله 
وبالعافية علينـــا
بس لازم اشوف ردودكم لاتزعلوني منكم ترى اول مره اسوي موضوع هنـــا
