عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اتمنى تكونوا جميعا بخير واحسن صحة
اقدم ليكو النهارده عزومتى لاختى بعد ولادتها بالسلامة والحمد لله
ابدأ اولا بالدعاء ان ربنا يكرم الجميع بالخلف الصالح والمعافى
امين يارب العالمين
وباركووا لى مع الدعاء من قلوبكم ان ربنا يحفظها هى وابنها
لان ربنا اكرمها بعد عشر سنين جواز
السفرة
جانب من السفرة – مش عارفه اخد راحتى فى التصوير لانها مقيمه عندى هى وجوزها فيه حاجات صورتها فى المطبخ
كانت مكونة من
1- الكبسة ح اقولكم طريقتها خصوصا انها سهلة التحضير وجميلة جدا
2- صينية كفتة بطاطس باللحمة المفرومه
3- خضار سوتيه بسلة وجزر وبطاطس فى الميكروويف
4- كباب حلة – لحمة بقرى من بتاعه العيد
5- بامية باللحمة
6- سلطه خضار
7- الحلو كريم كراميل و سلطة فواكه
بسم الله ح اقولكم طريقة عمل الكبسه
شوفوا اسهل واحلي واسرع كبسه وطعمها يجنن
المقادير حسب ماعملت
2 فرخة متقطعين 8 قطع
بصله كبيرة مفرومه قطع صغيره
طمطماية مبشورة (بشرتها بمبشرة البصل )
2 معلقه صغيرة من بهارات الكبسه المطحونه
معلقه صغيرة قرفه مطحونه
معلقتين زيت ( اخلطيهم بسمنه لو تحبى )
رز بحسب الرغبه
ملعقه ملح ومعلقه صغيرة فلفل اسود
الطريقه
ضعى الزيت علي النار وبعدين سقطى البصله وشوحيها يحيث تبقي صفرا
حطي بهارات الكبسه والقرفه والملح والفلفل و قلبى
وبعدين حطى الفراخ المقطعه وتقلب مع البصله
و حطى عليهم الطمطماية المبشورة وتقلبيهم مع بعض وتوطي عليهم وتغطى
ماتحطيش ميه خالص مالص الفرخه هتنزل ميه كتير
وبعدين لما تحسي ان الفراخ استوت طلعيهم وصفيهم وحطيهم في صينيه في الفرن
وولعي عليهم الشوايه مش الفرن علشان تديلهم لون
وبعدين تجيبى الرز المغسول وتسقطيه في ال شوربة اللي طلعت من الفراخ
و اذا عايزه ميه زودي ميه مغليه وقلبي الرز وسيبيه يستوى
نيجى للتقديم تقلبى الكبسة فى طبق التقديم
وترصى عليها الفراخ بعد الشوى بالشكل ده
ح تحطى عليها المكسرات
ريحتها خرافه خرافه والفراخ شكلها مشويه بالظبط
وبالهنا والشفا يا قمرات
صينية كفتة بطاطس باللحمة المفرومه
الطريقة
كيلو بطاطس
لحمة مفرومه بالعصاج
زيت
بيضه
ملح – بهارات
الطريقة
البطاطص عايزينها بطاطس بوريه
انا عملتها بمصفاه الطماطم العيون الكبيرة
ح تخلطيها مع كل المقادير ماعدا اللحمة المفرومه
وتجيبى صينية الفرن تدهنيها زيت وتحطى نصف الكميه فيها
وبعدين اللحمة المفرومة وبعدين باقى الكميه
وتدخليها الفرن
هى لما تستوى مش بيحمر وشها
انا فى الاخر باولع الشوايه تحمر الوش
انا قطعتها وحطيتها فى طبق للتقديم اسرع للسحب منها
صحيح ممكن للتجميل ترشى عليها بقدونس
وبالهنا والشفا
خضار سوتيه بسلة وجزر وبطاطس فى الميكروويف
المقادير
الكميات حسب الرغبه
بسله
جزر مقطع
بطاطس مقطعه كما ترى بالصورة
ملح – بهارات ماء
الطريقة
ضعى البسله والجزر والبطاطس فى طبق خاص بالميكرويف وليكن بايركس
ورشى عليها البهارات والملح مع نصف كوب صغير ماء
ودخليهم المايكرويف
وكل شويه تفتحى تقلبيهم
وتضعى ماء اذا احتاجت
انا دخلتها المايكرويف وانا باعمل الاكل وكانت عينى عليها
بس سهله طلع طبق حلو فى الاخر
وبالهنا والشفا
اللحمه كباب حلة
كلها نى فى نى
ضعى اللحمه والبصل والبهارات فى حله محكمة الغطاء
وتوطى عليها النار
ح تنزل ميه كتير – خليها تتشربها
وقلبيها شويه لغايه ماتنشف وحطى ليها نصف كوب ماء وقلبيها تقلبتين واطفى عليها
ممكن تزوقى الطبق بوضع بطاطس محمرة على حواف الطبق
وبالهنا والشفا
طريقة عمل البامية
المقادير
باميه – عصير طماطم اذا ح تضربيها فى الخلاط صفيها علشان البذور تطلع منها
انا صفيتها بمصفاه الطماطم
نصف كيلو لحمه
بصله مبشورة
حبهان مستكة فلفل اسمر
توم وكزبره ناشفه وزيت للتقليه
الطريقة
سقطى اللحمة فى الماء المغلى وضعى فيها االبصلة والحبهان والمستكة
واخيرا الملح حتى تتم عمليه النضج
فى وعاء اخر ضعى عصير الطماطم وخليها تتسبك على النار
وضعى الباميه و قليل من الشوربة
حتى تتم عملية النضج ضعى اللحم لتاخد شويه من عصير الطماطم
ثم ضعى باقى الشوربة خليها شويه
فى هذه الاثناء
اعملى ليها تقلية التوم وطشيها عليها واقفلى الحلة باحكام
شويه كده واطفى عليها
وبالهنا والشفا
نفتح الفيديوووو
2
3
–
