عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته جزاكم الله خير اتمني تفسرون حلمي لاني امس حلمته وشوي مخوفني
في الحقيقه انا مفصله بدلة سهره عشان بحضر عرس اختي بعد ايام وماطلعت البدله
وحلمت اني كنت عند الخياطه ومغيره المديل وزعلت وانا طالعه من عند الخياطه لقيت في ممر العماره بنات عمتي ثنتين ومعاهم وحده صغيره ابو 3سنوات وتغشمرت وياهم قلت شهلمشيه هذي لان لفتت نظري مشيتهم بس بصفى نيه وفجأه راحت اختها الكبيره وظلت بنت عمتي الثانيه مع البنت الصغيره وانا واقفه معاهم استغربت ليش راحت الكبيره جاني شعور انهم يبون يسون فيني شئ قلت بقلبي اخاف فاهمتني غلط انا كنت اتغشمر وياهم قلت لازم ابينلها اني مو زعلانه وقربت يم البنت الصغيره وضاحكتها قالت بنت عمتي اللي يمها اثاري نيتج صافيه فهمناج غلط شوفي وراج اختي شنو جابت لج ادخلي بالغرفه هذي وفكي نفسج تقولها بكل برود ولفيت وراي ولقيت بنت عمتي الكبيره جايبه كلب اسود معاها تبي تهده علي المهم وركض وسكر علي الغرفه واثاري الباب مايثبث يتهزز يدخل ويطلع وقصير بعد الباب وكان الكلب يبين من تحت الباب ماقدرت اقاوم ودخل علي الكلب وانا وياه انتصارع لين عضني بيدي اليمنا وبعدين ذبحته ماتذكر اشلون المهم قطعت لحمه كبيره منه وحطيتها بصحن وريتها ابوي وقلت شوف بنات عمتي جايبين لي كلب يذبحني وعضني وذبحته وهذا لحمه
وانا اسفه طولت عليكم
وملاحظه/ بنت عمتي اللي معاها كلب عرسها بعد عرس اختي بيوم
وملاحضه ثانيه /دايم اتحلم ان كلب يعضني بس يكون لونه بني ومرات بيج دايم يعضني بيدي
الحاله النفسيه عاديه
متزوجه وقاعده في البيت
والحلم بعد صلاة الفجر
وجزاكم الله اللف خير
