عروس وعندي أسئلة خاصة من يجاوبني؟

حياكم الله بنات ومتزوجات ( ولو اني راح استفيد من المتزوجات اكثر)
باختصار انا عندي اسئلة واتمنى اللي عندها تفيدني …….بسم الله ابدأ
1- يوم الزواج اذا رحنا الفندق امسح مكياجي واغيره والا اقعد فيه؟ وشعري افكه والا اخلي التسريحة لاني اخاف افكه يطلع حوسة وانا شعري خفيف يعني ضروري تكثر لي السبراي علشان تثبت التسريحة
2- اذا فصخت فستاني أغسل جسمي قبل البس قميص النوم والا عادي البسه على طول؟ واذا جيت انام افصخ الروب والا انام فيه ؟؟؟؟؟؟؟؟؟؟؟؟
3- عندي مشكله الى الان عجزت اتجرأ اشتري قمصان النوم ادخل المحلات ادور قمصان طويله واذا ما لقيت اطلع ؟ انتم وش رايكم اشتري قمصان قصيرة لحد وين ؟ فوق الركبة ؟والا تحت الركبة؟
اشتريها بروب والا بدون روب؟ ومتى اقدر البس القمصات القصيرة يعني بعد كم فترة من زواجي؟
4- يقولون خواتي كثري كمن لبس البيت ؟ طيب اول شهر البس بديهات والا عيب؟ والتنانير اشتري فوق الركبة والا تحت
لا تضحكون علي يمكن تشوفون اسالتي غريبة بس والله اني مخي داخ من التفكير اطلع للسوق احتار وش اشتري وارجع للبيت تعبت والله تعبت

تراني استحي حيييييل وغشيمة حيييييييييل ساعدوني واللي يرحم والديكم