عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
أنا جديده هنا بس من زمان أعرفكم وأحبكم زي خواتي وأكثر وربي
أحسكم تنصحون من قلب
فقلت اخذ كمبيوتر بنت خالي واسجل معاكم خلاص واصير وحده منكم واستشيركم
بنات أنا عندي مشكله كبيره أقدر أسميها ورطة عمري
أنا بنت تربيت عند امي وبعيد عن ابوي اللي ماأشوفه الا كل 3 سنين مره أو مرتين
لدرجة أحيانا أنسى شكله
بس أقول الحمد لله اني ماعشت معه لآنه مريض نفسي وعصبي وكل الناس يكرهونه وجشع جدا يحب الفلوس بشكل عظيم.. محتسب الفلوس أمه وأبوه..
أنا ماأكرهه هذا ابوي بس هذي صفاته صراحه ➡ شي يخجل ويقهر
المهم لما كان عمري 22 سنه ابوي زوجني وانا مدري لولد اخوه المجنون كان مريض نفسي ومعاق
وأنا كنت أحلا بنت بالعيله كلها والكل يتمناني
ولما لاموه الناس قال: ولد أخوي اذا مازوجته انا مين اللي يزوجه؟!!
والسبب معروف الفلوس..أخذ مهري كله ولاعاد شفت وجهه
المهم تطلقت بعد اسبوع من هالمعاق ولد أخوه..
واللي يكرهوني صاروا يتكلموا شرق غرب
وجا وضربني زي الحيوان
وأنا مافكرت في الضرب ولاغيره مافكرت الا اني اقول الحمد لله اني افتكيت منه
المهم
بعد انتظار سنين وسنين بأحزاني ووحدتي وجراحي يوم صار اليوم عمري 28 سنه
تقدم لي شخص انا مااعرفه ولاهو من عندنا جاي من المدينه
المهم تمت امور الملكه الحمد لله
ولاشفته ولاشافني
المهم
تحدد الزواج وانا ماسويت ولا شي ابدا
لان ماعندي فلوس ومهري ماجاني
اكتشفت ان ابوي جاه مهري وأكله كله ماعطاني ولاريال حتى وجهه ماشفته
بنات
أنا الآن حزينه ومكسور خاطري بقوة ومن كثر القهر دمعتي تحجرت بعيوني أحس الموقف اكبر من دموعي
أحس ماشفت ولا يوم حلو بهالحياة ويوم جت تنفرج علي جاء منهو ينكد علي فرحتي
ألحين أنا مدري وش اسوي ولا وين اروح
بنات وش ألبس يوم فرحي وش أطلع به للناس حتى ملابس زي العالم ماعندي
والله يابنات ماشفت مخلوق بقسوة ابوي وتحجر قلبه
الحين انا من وين لي فستان
كيف أطلع لأهل زوجي ومن عاداتنا صباحية العروس يجون اهل العريس ويجيبون لها هدايا
يعني تخيلوا كيف بيشوفوني وكيف بيكون شكلي
حتى ماكياج زي الناس ماعندي
تخيلوا بنات فيه بنت بعمري ولا حتى بهالوقت تروح تشتري مكياج من عند ابو ريالين
لا وبعد عروس
فكرت استعير ملابس
انا ماعندي قرايب الا بنات خالي ولو فكرت استعير منهم مقاسهم بالملابس مو مقاسي
فكرت بكل الحلول ماعندي اي حل
فكرت انتحر وخفت رب العالمين
جاء في بالي فكرة اني اهرب من هذا كله
ليش اشيل امي وجدتي الغاليات والمسكينات هذا كله كافيهم اهانات ابوي لهم
أمس جدتي شالت خاتمها المعووج من يدها ومدته لي تقول دبري عمرك فيه
عاد انا دمعت عيني ورجعته بيدها وبست يدها وانا اقول لها :حتى لو خذيته يايمه وش بيسوي 😆 idea:
بنات شوروا علي شسوي خلاص زواجي بعد ثلاثة اسابيع
وانا لافستان
لامكياج
لاتجهيز
قولوا لي وين أطس بعمري
الحمد لله على كل حال بس..
تكفون يابنات اللي عندها ابو طيب وحنون ويبديها على نفسه وماينام الليل اذا تعبت
تبوس راسه ورجله وتدري انها ملكت كنوز الدنيا كلها..وان عندها سند اذا لاعتها الدنيا..
ياررررررب الحمد لله على كل حال
يارررررب تعوضني انا وامي وجدتي بالجنه..وكل مسلم ياارب..
