عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم بنات
انا حابه أستشيركم في شي مرة مأثر فيني
زوجي طيب مع كل الناس الا انا …………… أكيد بتقولون اكيد فيك شي خلاه يسوي كذا
لا والله يبنات انا اول شي سألت نفسي ذا السؤال وقلت اكيد فيني شي يخلي تصرفاته معاي كذا
بس لقيت اني محترمه مرره معاه ودايم اهتم بنفسي واحاول اني اهتم في البيت قد ما اقدر وامه واهله واقاربه كلهم حاطتهم على راسي
ولما اكون زعلانه احاول اخفي اني زعلانه ودايم اضحك له ومبتسمه واحاول اونسه قد ما اقدر
والصدمه الي من جد مأثره فيني بشكل ماتتخيلو
انه يمنعني احضر زواجات حتى لو زواجات اقربائي ويمنعني اني ازورهم نهائيا مع انه مايعرفهم ولا قد شافهم قبل كذا
ولما اقله ابغا ازور خالتي او بنت خالي
يقول وانا وش دخلني فيهم عشان اوديك عندهم
ناس ما اعرفهم ماراح اوديك عندهم لو ايش
والمشكله اني قبل مااتزوج كنت متعودة عليهم مررره كنت كل اسبوع اروح عندهم
وطبعا جماعته غير جماعتي
ويمنع على اني ازور اي احد من جماعتنا
وبرظو يمنعني اني اعزم صديقاتي واقاربي للبيت عندي او حتى معارفي
وهذا حالي محبوسه في البيت مايسمحلي اروح غير عند اقربائه او اهله واهلي وبس
وانا انسانه اجتماعيه ماني قادرة اصبر على ذا الوضع 🙂
بنات الي تقدر تساعدني وتقول لي كيف اقدر اقنعه انه يخليني احضر مناسبات اقاربي وازور معارفي ياليت تساعدني وربي محتاجه لمساعده
تخيلو انه طلقني عشان طلبته احضر زواج قريبتي 💡
يوم اصريت اني احضر زواجها وحاولت اقنعه خصوصا ان الزواج بنفس المدينه الي انا فيها
طلقني
لكن بعدها باسبوع راجعني
والله تعبت اعطوني الاسلوب المناسب عشان اخليه يسمحلي بالزيارات
