عالم البنات النسائي كل ما يخص المرأة العربية من ازياء وجمال والحياة الزوجية والمطبخ
طبعا بالنسبه للعرايس
الليزر من اهم التجهيزات اللي تحتاجها قبل زواجها
وعشان كذا خلونا نتكلم ونطرح تجاربنا في الليزر
افضل العيادات واسعارهم
اول شي انا كنت بسوي الليزر بالعيادات المثالية لاني كثير سمعت يمدحوهم
بس لما رحت لقيت الاسعار مو خياليه
إلأا فوق الخيال
انا كنت مسويه جلساات ليزر لوجهي بس الشنب والدقن بالشرقيه وكنت ادفع 250 اول جلستين بعد كذا نزل السعر لين صار 150 فقط
ولما رحت العيادات المثالية تخيلوا نفس الاماكن قالوا لي بـ 1400
تخيلوا اضعاف اضعاف اضعاف اضعاف السعر
وفوق كل هذا تبيع عليك كريم املا المخدر
العصار الصغير الواحد بـ40 ريال صغير مره
كنت بسوي رجلي عندهم قالت لي بـ 2700 تقريبا
وفوق كل هذا لازم اخذ من عندهم املا المخدر علبه بـ 200 ريال يبيعوها
ولوشفتوها بالنت البنات يبيعوها بـ 60 وبـ 70
يعني الشغله نصب وسرقه بس
بطلت منهم ورحت عيادات جويل
وبديت في وجهي والرجل كامله
للحين صراحه موقادره احكم عليهم
بس رجولي للاسف صار فيها بقع 🙁 حسيت ان الفلبينيه اللي تسوي الليزر موتمام
اللي اعرفه انه المفروض تحاولي ماتمشي على نفس المكان اكثر من مره
وهي تمشي على المكان نفسه مليون مره
المشكله انا شايله هم جسمي وبشرتي وزادوا همي بالبقع
والمهم عندي الحين
ليزر البكيني
ادور مكان فيه خدمه ذاتيه بس مالقيت في جده
ياليت تدلونا ونتساعد
انتظر مشاركاتكم
