عذاب الحب >>قصتي وابغى رأيكم

عذاب الحـــــــــــب
هذي قصتي وحقيقيه ..
اسمي ألين عمري 17 سنه عندي اختين يارا عمرها 15سنه وفلوه10سنوات
بابا وماما مطلقين بابا متزوج وزوجته حامل وماما متزوجه وعندها3بنات وولدين ريم وخلود وحلا ومعاذ ومحمد
وعندي خالتين ام حسن ام مرادي
ام حسن عندها حسن عمره19سنه وحسام عمره15 شهد12ووعد عمرها8سنوات
وام مرادي عندها مرادي وبدر وبراء وباسل وترفه وعندي خال واحد متزوج بنت خالتو وعندو دنيا ورائد وريتال وأخت مرة خالي اسمها غاليه وعندي عمتين ام شادي عندها شادي عمرو21 وريناد 20ورازان15سنه
………………………………………….. …………………..
قبل 8 سنوات كنت سنه خامس ابتدائي وكانت مرادي بنت خالتي سنه ثانيه ابتدائي وفي يوم كناطفشانين وجلسنا مع بعض وجلست تحكيني عن حسن وتقلي انو حلو وضحكتو تجنن يعني جلست تمدح فيه واعجبت فيه من كلامها عنو ومرت سنتين وهيا تحكيني عنو الين ماجاء يوم ومرة خالي قالتلي الين جيبي رضاعت رائد وشلت دنيا وخرجت الصاله وكنت لابسه بنطلون جنز وبلوزه سوده خرجت الصاله لقيت حسن واقف قدامي وخالي واقف معاه بس خالي ماشافني لانو كان معطيني ظهروكانت اول مره اشوفو وبعدين مااعرف اش سارلي اتجمدة في مكاني ماقدرت اتحرك لمن سمعت صوت ماما دخلت اجري وقلت لمرت خالي سمعت صوت حسن برا ماقدرت اجيب الرضاعه قالتلي مو مشكله..
بس وبعدين رجعت البيت وجلست افكر فيه واول ماجاء يوم السبت حكيت صحباتي عنو..
ومره اتخاصمت انا وبنت اسمها ياسمين قامت دقت على بابا وقالتلو انا وحسن نحب بعض بابا عصب وناداني وسألني وانا من ذكائي قلتلو ايوه لاني مااعرف اكذب وانظربت طبعاً وباباقالي انسي انو عندك ام هذا كلووحسن مو حاس بأي حاجه…
جلسنا شهور مانروح لماما الين ماربي استجاب دعواتي واخيراً بابا وافق نروح عندها ومع الايام نسي الموضوع بس انا لساتني احبو واتمنى يكون ليا ومرت السنين وحبو كل مالو يزيد في قلبي وفي يوم من الايام كنت جالسه مع اهل ماما قامت خالتي قالت ان حسن وابراهيم يحبو غاليه وقتها رحت سألت مرادي قالتلي انو موبس يحبها يعشقها وقتها حسيت بخيبة امل كبيره وشفت كل احلامي تنهدم قدام عيوني بعدها بابا جاء رحنا البيت اول مادخلت البيت جريت على الغرفه وجلست ابكي ..
………………………………………….. ……………………..
وبعد اسبوع رحنا عند جدتي ام ماما وكان جوال جدتي على الطاوله اخذتو واخذت رقم حسن منو.
اول مارجعت البيت ارسلتلو رساله ماقدرت اشوف احلامي قدامي تنهد وانا اسكت كتبتلو اني بحبو مارد على الرساله خفت لايكون احد قراها دقيت ردت امه و قالت الو..طاح قلبي..
سكيت السماعه .
وبعد اسبوع رحنا عند جدتي وكانو مسوين حفلة نجاح للصغار بعد ماخلصت الحفله خالتي ام حسن وهي تاكل الكيك قالت في رساله جات لولدي ماعرف مين الي ارسلتها تعرفي مين يا ألين خجلت وخرجت اتمنيت الارض تبلعني ولا انحط في هذا الموقف .
………………………………………….. …………………………..
ومرت الايام وامو اتغيرت معاملتها ليا تماماً بعد الرساله وفي ليلية العيد قلت لازم احط حد لهذا الموضوع قمت كتبتلها رساله وحلفتلها فيها اني مااكلم ولدها وارسلتها مع مرادي وفي الليل رحنا بيت مرادي لان باباسافروجلسنا الين الساعه 2 الليل وقالت خالتي اش رايكم نروح عند الكوفير قلنالها طيب ورحنا وصبغت شعري خصل الوان واستشورت شعري ولفتلي اياه بلبنس المهم رجعنا بيت خالتي بعد اذان الفجروكان الكل بيروح بيت جدتي ام ماما عشان الفطور وانا كنت اكوي لبسي في الصاله دق الجرس مرادي فتحت الباب وحسن دخل والغبيه ماقالتلو اني في الصاله دخل وطبعاًانا اتجمدة في مكاني ماعرف اش حصلي عيني جت في عينو ودقات قلبي زادت قام دخل غرفة ام مرادي وانا رحت جري على غرفة مرادي ولبست ورحنا عند جدتي وانا كنت جالسه في الصاله لحالي ولابسه فستان قصير لونو ابيض وفي النص شريطه حمراء غاليه قالتلي ألين ممكن تدخلي شوي جوه قلتلها طيب بس ليه قالتلي بس شوي ماحبيت احرجها ودخلت والااشوفها تكلم ابراهيم بالشارات من بعيد صراحه فرحت لانها مع ابراهيم مو مع حسن بس ورجعنا بيت خالتي ومرادي كانت تكلم حسن على المسن وانا كان نفسي اكلمو قمت قلتلها سويلي ايميل قالتلي طيب قالت لحسن دقيقه بسوي لألين ايميل قالها انا اسويلها قالتلو لا انا اعرف بس الغبيه طلعت ما تعرف بس عشان توري انها احسن منو بعدين قعدنا نص ساعه ولسا ماسوينا قلتلها قوليولو قالتلي لافشله قلتلها طيب انا اقلو قالتلي طيب قلتلو حسن قالي هلا قلتلو ممكن تسويلي ايميل قالي مين انتي قلاتلو ألين قالي هلا ببنت الخاله قالي طيب اش تبغي اسم قلتلو hanyقالي مين هاني قولتلو ولد عمتي ههههههههههههههههه امزح معناتها عسل بالعربي قالي وكذه تنكتب انحرجت قام قالي انو الهوت ميل فيه مشكله وانو مايقدر يسويلي قلتلو اوكي وسالني سنه كم وانا سالتو يعني اتعرفنا على بعض طبعاً اناكنت عارفه كل شئ عنو بس سويت نفسي مااعرف ولاحاجه بعدين باي باي.
………………………………………….. ………………..
وثاي يوم في العيد2-10-1430هـ الساعه 8 العشاءقررات اني ارسلورساله ارسلتلووقلتلو اناألين ممكن تسويلي ايميل قام دق قلت الو سك السماعه عصبت وقلت في قلبي اش الوقاحه هذي للدرجه دي صوتي يفجع قمت ارسلتلو رساله قلتلو مين قالي حسن ورجع دق وقالتلو ممكن تسويلي ايميل قالي اوكي قالتلو شكراًسكتنا شوي قام قال تبغي شئ قلتلو لا باي باي وارسلي رساله بعدها واترفلي بحبو ليا وانا اعترفتلو بحبي ليه قام ارسلي رساله ثانيه قالي تتزوجيني قلتلو موافقه بس بشرط قالي اش هو قلتلو توعدني انو عمرك ماتجرحني ووعدني وعشان احلى ايام في العيد صراحه حسيت وانا في قربو بالأمان الي عمري ماحسيتو ..
حبني وحبتو اتبادلنا الرسايل الحلو والاغاني ومره جاء بتنا واعطاني هديا ومرة الايام ..
وجاء يوم رحنا بيت خالتي ام مرادي ويارا ومرادي كانو جالسين على المسن وخالتي تتفرج على التلفزيون وانا طفشت ونمت وجدتي ام بابا كانت تدق على جوالي وللأسف ماحسيت لاني كنت نايمه ولمن صحيت دقيت عليها وقالتلي اعطيني خالتك قامت قالت لخالتي ام مرادي انها متاكده اني كنت مع حسن خالتي قالتها لاوي ألين زي بنتي وي مستحيل اخليها تسوي كذه وقالتلها بقول لابوها لمن يرجع من السفر وخالتي عصبت عليا وراحت تقل لام حسن وخفت لاحسن يدري ويحسب انا قلت لاموفارسلتلو رساله لكن للاسف قالي امسحي رقمي وانسيني كانو ماصدق الفكه ماقدرت ضعفت اترجيتو يرجعلي وهو كان يقلي اناانسان مشغول ومو فاضيلك…
هذا الي وعدني انو مايجرحني هذا الي كنت مستعده عشانو اتحدى باباللأسف اتخلى عني زي مامامااتخلت عني ضاقت بياالدنيا..
………………………………………….. ………………
بعداسبوع رحنابيت جدتي وامو قالت لي مرادي ليه مارقصتي في الزواج وام مرادي قالت هيا بترقص في زواجها هيا وحسام مرادي قالت انا اتزوج حسام انا ابغى حسن قامت خالتي قالت تحلمو تتزوجو حسن حسن بيتزوج وحده امريكيا جرحني كلامها بقوه
ودقيت على بابا خليتو يجي ورحنا البيت وطبعاًمن قهري ارسلت لحسن”حسبي الله عليك انتا وامك”ونمت وانا ابكي ومامر اسبوع الاجارنا قال لباباانو شاف ولد عند باب بيتنا واعطالو رقم السياره وبابا قال اكيد حسن واتاكد من رقم السياره وقالي انسي انو عندك ام وعمرك ماراح تشوفيها وجلس يصرخ وانا خلاص من جد اكتفيت عصبت رحت ابكي باباقالي لويحبك كان مالعب فيكي كان جاء وخطبك ومرة الايام وخلاني غصب اسافر عند عمتي عشان مااشوفووسافرت ومره جلست على المسن وحسن دخل وقالي انتي سبب كل شئ انتي خربتي حياتي ماعرفت جسمي كلو سار يرجف وعيوني اتملت دموع طلع زعلان عشان ماما بس ماتكلمو طب انا امو جرحتني قدام الكل وبسببو مااشوف ماماومااتكلمت اتحملت قام يتريق ويسل سمايلات ويقلي ماسمعتي غنية راشد بلا حب انقهرت زياده وجاء ثاني يوم ماقدرت اتحمل ماقدرت انسى كلامو صحيت من النوم مفجوعه حلمت انو بيقتلني قمت دخلت المطبخ وشربت 10 حبات من حبوب الضغط وتعبت ورحت المستشفى ولااحد وقف جنبي شفت الموت غسيل معده وابر وعنايه مركزه من جد اتعذبت وهو حتى سلامات ماقالها وبعدين جو الشرطه وسوتحقيق ودخلت التوقيف بسببو وكل هذا وهو موحاسس فيني وخرجني زوج عمتي بواسطه ورجعت جده وقررت اني انساه بس غاليه مارحمتني جلست ترسلي رسايل الين ماخلاص حسيت حالي بموت قلت لحسن وللاسف قالي كلام ماينقال …
هذي قصتي وهذا حالي بليزقولو حل سارلي سنه مااشوف ماما واشتقتلها كثير حملت وولدت وانا مااعرف تعبت دخلت لعبه انا مني قدها..