~[عدت بقصهـ ولادتي لآحلـى (ميشو) بآلدنيآ ]~

طبعآ اختكم في الله كانت متحمسه تدخل التاسع وتعد الايام عد عشان يجي وناويه ماتخلي شي وماتجربه عشان تولد بسرعه
بس من دخلت التاسع ضآع كل شي هع
بدا الثقل والتعب والكسل والملل وكل شي غير الجو ذي الايام ياربي لك الحمد وضاع الحماس وصار وقتي اغلبه نوم واكل وجلسه ع التلفزيون وكنت مقتنعه ان الولاده مابتجي الا في اليوم الي ربي كاتبه طبعآ ليه اتعب نفسي وكل من شافني نصحني بالمشي الكثير وكنت اطنش احيانا واحيانا احاول امشي وندمت فعلا اني ماسمعت هالنصيحه وراح تعرفون السبب بعدين ..
طبعا انا اخترت اولد في مستشفى المستقبل عند الدكتورة فاطمه اعلاو بأصرار من زوجي يقول الكل يمدحها قلت توكلنا ع الله وكل اسبوعين مراجعه وزحمه وانتظار عشان ندخل عندها لكن بالاخير ايقنت ان التيسير من الله وحده لادكتورة ولااحد له فضل فيها ..
قررت لي موعد الولاده يوم 2_8 طبعآ فرحت لان الي كنت اراجع عندها قررت لي 6_8 قلت اشوى قربت لي الموعد شوي < ع اساس بولد بنفس الموعد هع
طبعآ من ناحيه اخلاق الدكتورة وتعاملها مافي احسن منه ونصايح وكل شي ,,
نجي للمهم مضى شهري بحلوه ومره وجا 2_8 ولافي بوادر ولاده وتحطمت وقعدت اصيح في البيت بعوشر بعوشر
شفت موضوع الزعتر وقلت خلني اجرب الايام الجايه وبعدها اروح اراجع واسوي فحص داخلي عسى يطلع فاتح لو شوي
وكنت اخذه ثلاث مرات باليوم وانتظر يطلع مني شي دم مويه اي حاجه بس مافيش فايده قلت شكله حتى الزعتر مابجيب معي فايده
طبعا بدا التفكير في الطلق الصناعي والعمليه لاني بديت اتحطم واقول ماراح اخرج من هالاثنين بس توكلت ع الله وسألته الخيره في امري والي فيه خير ربي يكتبه ,,
امي كانت تقنعني ان موعد الدكتورة خطأ ويمكن دكتورتي الاولى موعدها هو الصحيح قالت انتظري لين 6_8 ونروح نراجع
جا الخميس المنتظر ,وكنت متحمسه مدري ليه حاسه هالمراجعه بطلع منها بشي امي قالت خلينا نمشي شوي قبل تروحي المستشفى ومشينا ذآك اليوم في الصباح وتحت ذيك الشمس الحارقه انا ماقطع قلبي الا امي مابي اتعبها ربي يسعدها ويجزاها خير صبرت علي وسوت الي محد يسويه ربي لايضيع لها اجر ويرزقها الجنه من اوسع ابوابها ,,
بعد مامشينا رحنا المستشفى ومن حظي الدكتورة عندها هاليوم عمليات يعني مابتحضر فكرنا مو معقول ارجع البيت بعد ماجيت وسبحان الله كنت مصرة ادخل عند اي دكتورة بس مارجع البيت
رحنا لغرفتها وطلعت لنا الفلبينيه الي عندها قلنا لها اني عديت موعدي ولاولدت دخلتني ع طول وجات مساعده الدكتورة
وسوت لي سونار وتطمنت ع وضع الجنين طبعا ماخبرتكم كنت احس بالالام بس بسيطه وكنت ادعي انه يكون طلق وويزيد وانا بالمستشفى طبعا المساعده قالت بسوي لك فحص من تحت والله يسامحها عورتني بغت تطلع روحي يمكن عشان اول مرة اسويه وقالت حلو الرحم فاتح من 2 الي 2 ونص تقريبآ
وقالت روحي امشي كثير وكللي تمر وانتي ولادتك بتكون هاليومين ان شاء الله ,, تحطمت شوي بغيتها بنفس اليوم بس قلت الحمدلله دامها قربت مو مشكله هانت ان شاء الله .
وهي من دخلت يدها بديت احس الالام تقوى شوي وغير الي كنت احس فيها ظهري مع بطني وتقلصات وبديت احسب وكان بين كل طلقه والثانيه عشر دقايق وكنت احس بشي ينزل بس قلت مابشوفه الا في البيت ماجا في بآلي يكون شي مهم
ورجعنا البيت والالام بدت تزيد رحت الحمام ع طول وطلع الي ينزل مني دم مع افرازات انبسطت وخفت بنفس الوقت قلت جأت ساعه الحسم ثورة ثورة الي الامام خخخخخخ
يتبع ,,,