عبايات راقية بديزاينات وتصاميم اماراتية…حياكم

عبــــــــايات بأشكال وألوان وديزاينات مميزه من ابداع المصممة ((ليلى بن سلطان)) من الامارات وتحديدا من “دبي”

اللي حابه تكشخ بين اهلها وربيعاتها ……وتتميز بين الحضور ……….اتفصل من الديزاينات اللي بعرضها …والكل بيتخبل عليها وبيسألها عن العبايه ………………..

الكوليكشن الموجود متنوع …..بين الديزاينات البسيطه – ديزاينات موسم الشتا – ديزاينات للمناسبات والاعراس

وبتلاحظين في كل عباية …….ديزاين مميز ويختلف تماما عن اللي انشوفه في الاسواق …….سواء في قصة العباية او في التطريز

الاسعار تتراوح بين 500 درهم الى 3500 درهم

(العبايات على الطبيعه وايد احلى ………والصور ظالمه الديزاينات ……لان تصوير موبايل ومن دون تعديل في الفوتوشوب)

ملاحظـــــــــــــات:

– الدفع مسبق (مقدما) …ايداع او التحويل على الحساب البنكي في مصرف دبي الاسلامي

– التوصيل عن طريق شركات التوصيل في الامارات ……خارج الامارات: عن طريق بريد الممتاز

– البضاعة غير قابله للاسترجاع او الاستبدال

– الاسعار ثابته…..بس اللي بتطلب اكثر عن عبايتين ….بسوي لها خصم 10%

– اللي اتشوف عمرها متردده وخايفه .ومب واثقه من ديزايناتي وتفصيلي …لا تعب عمرها وتراسلني …………….فقط اللي جاده انها اتفصل …تتواصل معاي ….

– واللي بتطلب ديزاين معين …..ارجوا انها اتخبرني:

( رقم الديزاين + اللون + قياساتها + عنوانها و رقم تلفونها )

تفصيل العبايه يباله 10 ايام الى اسبوعين اذا ما عندي ضغط في الطلبات

انواع الاقمشة:

انتي اتحددين نوع القماش اللي تبينه ………..وانا مب مسؤوله اذا الخامة ما عجبتج

اقمشة العبايه هي:
1- صالونه (الياباني)
2- كريب سعودي (الياباني) اغلظ عن الصالونه واتكد عندج وعمليه
3- ندى … كريب على حرير …مافيها لمعه …والقطعه خفيفه
4- انترنت (غليظه شوي)
5- حرير…عندي نوعين ….لمعة قويه ………و لمعة خفيفه
6- الاستريج…….تنفع للعبايات الوسيعه اللي فيها قصات ….

اقمشة الشيله:
1- ابراج الامارات
2- دجى الليل
3- دبل ساري
عرض الشيله: وارين وربع × 22

المقاسات المطلوبه:

(خذي قياساتج من اقرب خياط…لاني مب مسؤوله اذا المقاسات اللي عطيتيني ما كانت مضبوطه) المقـــــــــــاسات بالانش :

1- طول العباية
2- طول الكم (تاخذين القياس من نص الرقبه او الهاي نيك الى المعصم)
3- نص دوران الابط
4- عرض فوق الكوع
5- دوران الرسغ او المعصم
6- دوران الرقبة (الهاي نيك)
7- نص محيط الصدر
8- نص محيط او دوران الارداف او الحوض………..تقايسين من عند الرقبة إلين ما توصلين 22 انش ,,,عقب اتقايسين نص محيط الارداف
9- محيط الخصر
9- نص عرض الكلوش (اسفل العباية)

العبايات كلها تحمل توقيعي ….عباره عن حرفين

((((اللي بتسرق الديزاين ………..ما اقولها إلا ربي فوقج وبيحاسبج على اللي اتسوينه ..))))

(1)
عبايه البليسيه الذهبية – الشغل عباره عن حبل ذهبي وزري ذهبي مع كريستالات كبيره …وصغيره متناثره على الديزاين…………وعلى الكتف ديزاين ايكسات مع طرابيش……….

اللون: الذهبي او الفضي ……وبالامكان ندمج لون آخر في الشغل .

(2)
العباية التلي والفرو….ديزاين من التلي وعلى الاطراف فرو اسود صغير ……..العبايه تنفع للمناسبات وخاصه في موسم الشتاء ………

(3)
عبايه قصته واسعه …ومن طرف الاكمام القصه قصيره …..ديزاين الروز الاحمر (شغل يد) على الاكمام ومتفرع على العبايه بطريقه وايد حلوه ومرتبه………الشغل على العباية والشيله ……شغل يد
اللون: اي لون يعجبج

(4)
عباية شرايط الحرير والكريستال…الاكمام مختلفه..كم وسيع وعليه شغل دقيق ……….والكم الثاني ضيق وعليه ديزاين رقيق
اللون: اختاري اللون اللي تبينه من الشرايط والشغل

(5)
العباية الشتويه من المخمل الكحلي المرصع بالميش كريستال الفضي – قصة الكم وايد حلوه
اللون: اختاري لون المخمل اللي تبينه + لون كريستال الميش

(6)
العباية الهندسية ………الديزاين على من الامام والخلف والاكمام …….وكريستالات على زوايا الاشكال الهندسية ………و ممكن اضيف كريستالات سوده بين الاشكال الهندسيه
اللون: ممكن اتغيرين لون الديزاين الهندسي …

(7)
العبايه البحرينيه بالحبل الفوشي ….وديزاين الرقبه والصدر مميز
اختاري اللون اللي يعجيج …

(8)
عباية ورود المخمل

(9)
عباية المخمل والفرو ………..عباره عن شرايط وبروش من كريستال ….وسلاسل الكريستال الرقيقة على الرقبة والاكمام
اللون: ممكن اغير لج الفرو المستخدم …تدرجات البني او الفرو الوردي الفاتح (بيبي بنك) او رمادي

عندي ديزاينات كثيره ……ومختلفه بين الشج والتطريز والقصات …..

وان شاءالله على آخر شهر 4 ……..بنزل كوليكشن يديد لموسم الصيف….حاليا اشتغل على المجموعه اليديده ….

اللي عندها اي استفسار بخصوص العبايات ……..او حابه اتشوف العبايات على الطبيعة (لبنات الامارات او المقيمات في الدوله 💡 )…………حياها الله عندي