عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اخواتي بعرض مشكلتي عليكم وهي صارت معضله مو مشكله اتمنى احد يساعدني مر بنفس الموقف او على الاقل ترد علي الاخت بنت النيل
انا لي سنه جايبه مولود ولي سنه وانا اعاني من التهابات شديييييييييييييييييييييييده افرازات الله يكرمكم بيضاء مثل الحليب احيانا بس اكثر شي افرازات خضراء وحرقه في فتحة المهبل واحيانا افرازات شفافه كانها مويه على الملابس الداخليه والمشكله اني اروح للدكتوره على طول اعالج اول ماحس بنزول الافرازات وغيرت الدكتوره كذا مره يعطوني تحاميل ومضاد التزم بالمضاد والعلاج وماخليه لين اخلصه تنقطع عني الافرازات اسبوع او اسبوعيين وترجع على طول لدرجة اني احيانا اروح لدكتوره مرتين في الشهر
اخر مره جيتها قالت لاعاد تجيني 6 شهور مابي اشوفك
جتني قرحه بالرحم من كثرة الالتهابات ولحقت عليها من بدري وعالجتها بدون كي لانها صغيره جدا ورجعت الالتهابات بعد القرحه ب10 ايام رجعت للدكتوره وقلتلها اكيد القرحه رجعت قالت لا هذا التهاب ثاني
مشكلتي الاساسيه اني اعالج وبدون فايده قلت بسوي مزرعه للافرازات علشان يكون التشخيص ادق والعلاج كويس نفس الشي بعد المزرعه والعلاج رجع الالتهاب بعدها بشهر
اما بالنسبه للنظافه الشخصيه والله اني حريصه جدا جدا لدرجة اني اشك ان كثرة النظافه هي السبب اغير ملابسي الداخليه انشف بعد الحمام الله يكرمكم
وبالنسبه للغسول استخدم غسول الكاجين وكنت استخدمه اكثر من مره باليوم وقالولي لا انتي تقتلين البكتريا الضاره والمفيده بنفس الوقت استخدميه مره باليوم وخففي التركيز بمويه واكلي زبادي
ونفس الشي اليوم اعاني من افرازات وانا لسه معالجه قبل اسبوعيين لونها ابيض مثل الحليب وشوي بدت تقلب اخضر
واذا على زوجي عمل تحليل بول و طلع سليم واساسا انا لي مده طويله بدون جماع لانه مسافر ومانقطعت الالتهابات حتى لما انقطع الجماع
على فكره انا كنت استخدم حبوب منع الحمل جونيرا وقلت ممكن تكون هي السبب ولي شهرين استخدم حبوب غريسيال ونفس الشي
قلت للدكتوره وش الحل قالت معرفش!!
كثرة الالتهابات سوت لي توسع بالمهبل بالرغم اني مسويه خياطه تجميليه ومع العلم اني كنت قبل الوالده مررررره كويسه المنطقه كانت ضيقه وناشفه
اللي ابي اعرفه هل اللي انا اعاني منه خراااب يعني كثرة المويات بالرحم سوت لي رطوبه والرطوبه جابت بكتريا وفطريات جوا ولا ايش بالله عليكم ردوا علي سنه وانا فيه معناه
تنصحوني اروح لحرمه يعني طب شعبي ومين جربت حرمه شاطره؟
كمان صار يطلع معي هواء في الجماع بس في وضعيات معينه بس وفي اثناء الدوره يطلع معي وانا اهتم من هالناحيه يعني اتبخر بكمون مره وخواجوا لبان شحري وقشر بصل
واكل الرشاد اكل السحت واكل دواء في الدوره طبعا مو مردود دواء حلو من حرمه من زمان استخدمه ومناسبني حيل حتى قبل اولد بس احس ان هذا كله بدون فايده مع انه كان اول يجيب معي نتيجه ممتازه
الشي الوحيد الي تغير اني استخدمت بنفاستي ودوراتي بعد ولادتي الاخيره خلطه معينه اخاف هي السبب وهي عباره عن قرفه وكمون وميرميه شيح حبه سوداء حزاة وقيصوم قشر قهوه ونانخه ووينسون اغليها مثل الشاي واشربها
بس اعتقد انها كل حاجات كويسه الا القيصوم والحزاة اول مره اجربها في نفاستي قبل سنه وماعرفها
وكمان في الدوره اتشطف بمويه وملح خشن مره وحد باليوم
كذا اكون كتبت كل التفاصيل ابي الحل منكم جزاكم الله خير
