عالم البنات النسائي كل ما يخص المرأة العربية من ازياء وجمال والحياة الزوجية والمطبخ
كيف الحال الفراشات 😆
أخيرا استأجرت طاولة في بازار عليه إقبال جدا طيب بعد سؤالي المكثف عنه…
مساحة الطاولة متر في متر وثمانين سم غير الإستاند الكبير إللي حأحطه خلف طاولتي…
أبغى اثنين يشاركوني في الطاولة وكل وحدة تتحمل نص الإيجار لأنه أنا عليّه تكاليف ثانية سأسرد ذكرها لاحقا…
وما في مانع لو كانت من برا جدة
طبعا المميزات إللي حتحصلي عليها//
1/ حيكون فقط عليك نصف الإيجار وقدره 750 ريال أي 25 ريال يوميا ولمدة شهر كامل (30يوم)…
2/ أنا حأوقف على الطاولة طيلة شهر شعبان بدون أي نسبة على المبيعات تبعك ومحا أرفع سعر بضاعتك عشان تمشي وتنباع بسرعة…
3/ الطاولة والإستاند والمفرش والسلال كله على حسابي وتلبيس الطاولة والسلال وتنسيقها بجهدي الخاص…
4/ أضمن لك بعد الله إن بضاعتك ما تنعدم لأني بحمد الله إنسانة محافظة ومرتبة وذويقة…
5/ طبعا أنا أروح وأجي للبازار ب20 ريال رايح و 20 ريال جاي لأن بيتي بعيد عن البازار وأيضا على حسابي الخاص والسواق ما رضي بأقل من هذا المبلغ…
6/ الطاولة كبيرة وعليها 4 أطقم سلال
كل طقم عبارة عن أربع سلال فوق بعض عشان نقدر نستغل كل المساحة إللي عندنا يعني تشيل كمية كبيرة من المنتجات…
وشكلها تشبه هذي 
والإستاند إللي حينحط خلف الطاولة يشبه فكرة الصورة إللي تحت بس إللي عندي خمسة أرفف وكل رف مقسم 4 تقسيمات يعني مقسم ل 20 قسم
7/ كل ما تنوعت المنتوجات وعرضت بشكل جذاب وكانت أسعارها مقبولة كلما زاد في الإقبال والشراء…
8/ الحمد لله أنا إنسانة أمينة ودقيقة جدا في الحسابات وكل شيء أسجله في النوتة عشان ما يضيع حق أحد…
9/ في حال عجبك الحال تقدري كمان تمددي معايا لشهر رمضان كامل…
طبعا منتوجاتي إللي حأعرضها عبارة عن/
عطور معبئة بتركيز قوي وفي قوارير أنيقة وناعمة
بخور
إكسسوارات شعر
يمنع المشاركة معي ل/
1/ العطور الفرنسية درجة أولى تعبئة دبي لعدم قناعتي فيها وروائحها لا تدوم أبدا ولا حتى دقايق مع احترامي للجميع لأني أشتريت عطور من هذا النوع وكل وحدة تحلفلي إنها جادة وإن عطورها درجة أولى وفي النهاية بعد ما أشتري منها ألقاها عطور!!!!!!!!
2/ أي منتج لا يتوافق مع الشريعة الإسلامية
3/ منتجات قديمة وباهتة
4/ منتجات سريعة التلف
5/ مأكولات
أنا جدا متحمسة للبازار
وبصراحة شفت تكاليفها كثيرة علي
إيجار وحساب السواق ومستلزمات البازار
فلو ثنتين يدخلوا معايا عشان يخففوا عني ثقل المبلغ ويستفيدوا من هذا العرض
البازار يبدأ بكرة 1 / 8 / 1432هـ وينتهي 30 / 8 / 1432هـ
وأمدده لشهر رمضان كمان لو إنتوا حابين
مراسلتي على الخاص لا هنتوا
وأرفعوا موضوعي رفع الله قدركم
وأخيرا سأعتبر بضاعتك هي بضاعتي وسأتعامل معها بما يرضي الله 😉 😉 😆 🙂
