عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
والله ما ادري كيف ابدأ بكلامي بس من شيء في خاطري ابي اقوولكم ياليت احصل عندكم الحل المناسب
أنا سيدة متزوجة ومبسوطه مره مع زوجي ولله الحمد والمنه
ولكن …..
هناك جار لنا يسكن امام منزل بيتي وهو صديق حميم لزوجي وانا وزوجته كاننا اخوات من شدة العلاقة الاخويه بيننا
جارنا من فترة بدأ يظهر اعجابه بي حيث من اطلع من بيتي انا وطفلي ذاهبين الى المدارس اشووفه بالسياره ويحاول يرسل لي اشاراة بيده مثل السلام وغيره
طلبت من السائق ان يوووقف السياره من الباب الخلفي … ومع هذا وجدته يفق بسيارته امام بيته من الباب الخلفي ايضا
طنشته ما اعطيه اي اهتمام … بس المصيبه انه احضر رقم جوالي واخذ يراسلني وبعض الاحيانا يقول لي انا فووق سطح العماره ياريت تطلعي الحوووش بس القي نظره عليك… واحيانا يرسل لي رساله على وين ياحلو ؟
والا يقولي…. عذبتيني كافي عذاب ….
مع العلم انه متزوج من اثنتين
والله يا اخواتي انا خااايفه من الشخص هذا … ما ادري ايش اسوي ؟
ولا ابي زوجي يعرف يكون قتل وقتيل
وانا بديت اشك بالسائق اقول في خاطري يمكن اخذ الرقم عن طريقه
انا متضاااايقه مره تكفوووووون ابي حل … علما ان عباية على راسي ولا يظهر مني الا اكفف يدي فقط عند خروجي من المنزل
حفظني الله واياكم
ابي حل باسرع وقت الله يفرجها لكم
سلامي للجميع
