عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بنات بليز فسرولي هالحلم ارجوكم
حلمت اني كنت في عياده مال الاسنان بس الحمدلله ماكان شي يعورنيه يوم جا دوري روحت لاني بطلع مع
صديقتي وتلاقينا تحت اربيعتي ماكانت لابسه لا عباه ولا وقايه
وبعدين دورت مفتاح السياره (بورش كايين) ولقيته عند الباب اللي ادخلنا على العياده لقيت المفتاح ومعاه
نعال اسود ومصبوغ بسود يلمع
وتمينا انسولف لين المسا وبعد المسا شفت اميه وزوج اختي
بعدين كنت بركب السياره وسياره كانت فراري لونها احمر ورحت اركب عسب اروح وانا ماشيه اشوف
شاحنه كبيره كسرت السياره بالكامل وسجلت رقم الشاحنه اللي هو _(78780)
وبعدين سرت في حجرتي في ابوظبي وكانت وايد كبيره وطويله وفترة العصر كلنا انا وختي وزوجي وزوج اختي
ومرت اخوي والصغاريه
كلمت اختي عن الموضوع انه السياره اتكنسلت قالتلي اتصلي على شيخ يعني من شوخ الامارات ال نهيان
لانه ريل خالتي يعرفه طبعا هالكلام فالحلم
وكلنا ناكل اي كريم وانا كنت اكل ككاو وفانيلا من باسكن روبنز بس كان الككاو مر شويه طعمه مب حلو
عقب طلعت على السطح اكلم الشيخ واقوله عن السالفه وكنت انا وبنتي وانا اكلمه شفت 5 هليكوبتر بس اشكالن غير
بيضا وعليها علم الامارات وحده كانت تتقرب منا على طول دخلت الغرفه انا وبنتي وقلت حق اختي شوفي شوفي
الهليكوبتر … وبعدها قمت من النوم
